પાટણ શહેર બી ડિવિઝન પોલીસ દ્વારા બીનવારસી ભિક્ષુકની લાશને પીએમ અર્થે ખસેડાઈ…
અસહ્ય ઠંડીના કારણે મોત થયું હોવાનું પોલીસ દ્વારા અનુમાન..
પાટણ તા. 29
પાટણ જિલ્લા સહિત શહેરમાં છેલ્લા કેટલાક દિવસોથી ઠંડીનું પ્રમાણ વધ્યુ છે ત્યારે આવી કડકડતી ઠંડીમાં પાટણ શહેરના રેલ્વે ગરનાળા નજીક જનતા હોસ્પિટલ સામે આવેલ માનવતાની દિવાલ પાસે એક અજાણ્યા ભિક્ષુક નુ ઠંડી થી ઠુંઠવાઈ ને મોત થયું હોવાની આશંકા સાથે પોલીસે લાશનું પંચનામું કરી આગળ ની તજવીજ હાથ ધરી છે.
આ બાબતે પ્રાપ્ત થતી વિગતો અનુસાર પાટણ શહેરની જનતા હોસ્પિટલ નજીક આવેલ માનવતા ની દિવાલ પાસે એક અજાણ્યા ભિક્ષુકની કડકડતી ઠંડીમાં ઠુંઠવાઈ કુદરતી અને આકસ્મિક રીતે મોત થયું હોવાની જાણ પાટણના સેવાભાવી વ્યક્તિ ભુપેન્દ્રભાઈ ગોવિંદભાઈ ગોસ્વામીને થતા તેઓ દ્વારા પાટણ શહેર બી ડિવિઝન પોલીસ મથકે આ અજાણ્યા ભિક્ષુક ની બિનવારસી મૃતની લાશ અંગે જાણ કરાતા પાટણ શહેર બી ડિવિઝન પોલીસ તાત્કાલિક ઘટના સ્થળે દોડી આવી પંચનામું કરી મૃતક ની લાશનો કબજો મેળવી પીએમ માટે પાટણ સિવિલ હોસ્પિટલમાં ખસેડવામાં આવી હતી.
આ બિનવારસી લાશના પરિવારજનો ની ભાળ ન મળે ત્યાં સુધી લાશને સિધ્ધપુર ખાતે ની સરકારી સિવિલ હોસ્પિટલના કોલ્ડ રૂમમાં રાખવામાં આવશે તેવું પોલીસ સૂત્રોએ જણાવ્યું હતું.
