પાટણ તા.22
પાટણનાં રિજિયોનલ સાયન્સ સેન્ટર ખાતે 22 માર્ચ 2023ના રોજ વિશ્વ જળ દિન નિમિત્તે જાગૃતિ કાર્યક્રમનું આયોજન કરવામાં આવ્યું હતું.
જેમાં 200 થી વધુ વિદ્યાર્થીઓ, શિક્ષકો અને જાહેર જનતાએ ભાગ લીધો હતો. સાયન્સ સેન્ટરના પ્રોજેક્ટ ડાયરેક્ટર ડૉ.સુમિત શાસ્ત્રીએ જણાવ્યું હતું કે દર વર્ષે 22મી માર્ચે વિશ્વ જળ દિન સમગ્ર વિશ્વમાં જળ સંકટ અંગે જાગૃતિ ફેલાવવા માટે ઉજવવામાં આવે છે.
તમે અને તમારું કુટુંબ, શાળા અને સમુદાય અમારા જીવનમાં પાણીનો ઉપયોગ, વપરાશ અને સંચાલન કરવાની રીત બદલીને ફરક લાવી શકો છો. જળ આપણાં જીવન તેમજ ભવિષ્યમાં કેટલું મહત્વનું છે, તેમજ તેનો સદ ઉપયોગ કેવી રીતે કરવો તેની વિસ્તૃતમાં માહિતી આપી હતી.
આ વર્ષ ની થીમ “પાણી અને સ્વચ્છતાની કટોકટીને હલ કરવા બદલાવને વેગ આપવો” છે. ત્યારબાદ સહભાગીઓએ સાયન્સ સેન્ટરની વિવિધ ગેલેરીઓની મુલાકાત કરી અને 5-ડી થિયેટર તથા વર્ચ્યુઅલ રિયાલિટી જેવી અદ્યતન ટેકનોલોજી નિહાળી ખૂબજ આનંદિત થયા હતા.
