પાટણ એલસીબી ટીમે બાતમીના આધારે રેડ કરી ધંધા મા સંકળાયેલા અન્ય બુટલેગર ને ઝડપી લેવાના ચક્રો ગતિશીલ કયૉ..
પાટણ તા. ૨૩
ચાણસ્મા તાલુકાના લણવા ગામેથી પાટણ એલસીબી ટીમે બાતમી ના આધારે ઓચિંતી રેડ કરી વિદેશી દારૂ બિયર ના જથ્થા સાથે બુટલેગર ને ઝડપી કાયદેસરની કાર્યવાહી હાથ ધરી હોવાનું જાણવા મળ્યું છે.આ બાબતે મળતી હકીકત મુજબ પાટણ શહેરની જિલ્લામાં દારૂ જુગારની બદીને ડામી દેવા જિલ્લા પોલીસ અધિક્ષક ડો રવિન્દ્ર પટેલની કરાયેલી સૂચના અનુસાર પાટણ એલસીબી પોલીસ ટીમ દ્વારા સઘન પેટ્રોલિંગ હાથ ધરવામાં આવ્યું હતું .
ત્યારે પાટણ એલ.સી.બી. પોલીસ સ્ટાફના માણસો ચાણસ્મા પો.સ્ટે. વિસ્તારમાં પેટ્રોલીંગ મા હતા તે દરમ્યાન બાતમી હકીકત મળેલ કે, ઘનશ્યામ કિર્તીભાઇ ઠાકોર રહે.લણવા રહે.બસ સ્ટેશનની પાછળ તા. ચાણસ્મા જી.પાટણ વાળો પોતાના રહેણાક મકાનમાંની બાજુમાં આવેલ ઢાળીયામાં ગે.કા. ભારતીય બનાવટનો ઇગ્લીશ દારૂ રાખી વેચાણ કરે છે જે હકીકત આધારે ટીમે બાતમી હકીકતવાળી જગ્યાએ ઓચિંતો છાપો માંરીને પતરાના સેડ વાળા ઢાળીયામાંથી ગે.કા.ભારતીય બનાવટના વિદેશી દારૂ બિયરનો જથ્થો કુલ બોટલો-ટીન નંગ-૨૨૫ કી.રૂ.૩૦૭૩૯/-ના મુદામાલ સાથે બુટલેગર ઘનશ્યામ કિર્તીભાઇ ઠાકોર રહે.લણવા બસ સ્ટેશનની પાછળ તા.ચાણસ્મા જી.પાટણ વાળાને પકડી કાયદેસરની કાર્યવાહી હાથ ધરી હતી તો આ ધંધા સાથે સંકળાયેલા ઝાલા રતુભા ઉર્ફે ટીકો વિનયસિંહ રહે. સૂણસર તા.ચાણસ્મા જી.પાટણને ઝડપી લેવા ચક્રો ગતિશીલ બનાવ્યા હોવાનું જાણવા મળ્યું છે.
અહેવાલ યશપાલ સ્વામી
