પાટણ કોગ્રેસ ના ધરણા પ્રદશૅન દરમ્યાન પોલીસ અટકાયત કરે તે પહેલાં કેટલાક આગેવાનો પોબારા ભણ્યા..

ભાજપ સરકાર ના વિરોધ માં સૂત્રોચ્ચાર કરતા પોલીસે 10 જેટલા આગેવાન, કાર્યકરો ની અટકાયત કરી..

પાટણ તા. 24
કોંગ્રેસના રાષ્ટ્રીય યુવા નેતા રાહુલ ગાંધી ઉપર ભારતીય જનતા પાર્ટીના ઈશારે ખોટા કેસો કરીને સુરત ખાતે દોષિત ઠેરવવામાં આવતા પાટણ જિલ્લા કોંગ્રેસ દ્વારા ભાજપ સરકારના વિરોધમાં કલેકટર કચેરી સામે વિરોધ પ્રદર્શન સાથે ધરણા નો કાર્યક્રમ શુક્રવારે આયોજિત કરવામાં આવ્યો હતો ત્યારે ભાજપ સરકાર વિરુદ્ધ સૂત્રોચ્ચાર કરતા પોલીસે 10 વધુ લોકોની અટકાયત કરી હતી જોકે પોલીસ અટકાયત કરવા આવે તે પહેલાં જ કેટલાક કોગ્રેસી આગેવાનો તેમજ કાર્યકરોએ પોબારા ભણી જતા ચચૉ નો વિષય બન્યો હતો.

પાટણ કલેકટર કચેરી ખાતે શુક્રવારે કોંગ્રેસના આગેવાનો અને એન.એસ.યુ.આઈ કાર્યકરો દ્વારા ભાજપ સરકાર ના વિરોધ માં ધારણા પર બેસી ભાજપ સરકાર ના વિરોધમાં હાયરે ભાજપ હાય હાય ,હાયરે મોદી હાય હાય અને હાયરે ભુપેન્દ્ર હાય હાય ના સૂત્રોચ્ચાર કરતા પોલીસ અને કાર્યકરો વચ્ચે ઘર્ષણ થયું હતું.તો પોલીસે 10 થી વધુ કોગ્રેસ ના આગેવાનો તેમજ કાર્યકરોની અટકાયત કરી બી ડિવિઝન પોલીસ મથકે લઇ જવામાં આવ્યા હતા.

પાટણ કલેકટર કચેરી ખાતે આયોજિત આ ધરણા કાર્યક્રમ માં જિલ્લા પંચાયત વિરોધ પક્ષ ના નેતા અશ્વિન પટેલ, શહેર પ્રમુખ ભરત ભાટિયા, એનએસયુંઆઈ પ્રમુખ દાદુજી ઠાકોર સહિત ના આગેવાનો,કાર્યકરો ઉપસ્થિત રહ્યા હતા.
જોકે કોગ્રેસ દ્રારા સરકાર વિરુદ્ધ આયોજિત આ સુત્રોચ્ચાર અને ધરણા પ્રદશૅન કાર્યક્રમ દરમિયાન પોલીસ અટકાયત કરે તે પહેલાં જ મોટાભાગના કોગ્રેસી આગેવાનો અને કાર્યકરો પોબારા ભણી જતાં ચચૉ ના એરણે ચડયા હતા.