પાટણ તા. 27
ધમૅની નગરી પાટણ શહેરમાં દરેક ધમૅના તહેવારો, ઉત્સવો કોમી એખલાસ અને ભકિત સભર માહોલમાં ઉજવાતા હોય છે ત્યારે હાલમાં જ મુસ્લિમ સમાજ માટે પવિત્ર અને અલ્લાહ ની બંદગી માટે ના પવૅ સમા ગણાતા રમઝાન માસ નો પ્રારંભ થયો છે. આ પવિત્ર પવૅ મા દરેક મુસ્લિમ બિરાદર અલ્લાહ તઆલા ની બંદગી અર્થે રોઝા કરી પોતાના પરિવાર સહિત સમગ્ર વિશ્વના કલ્યાણ ની દુવા ફરમાવતા હોય છે. ત્યારે આ પવિત્ર રમઝાન માસમાં પાટણ શહેરના લોટેશ્વર વિસ્તારમાં આવેલા મુસ્લિમ સમાજ ના મહોલ્લના અને ફકત 4 વષૅની ઉમર ધરાવતા મહોમ્મદ સઉદ ઈમરાનભાઈ નામના માસુમે પણ અલ્લાહ ની બંદગી સાથે રોઝા રાખી પોતાના ધમૅ પ્રત્યેની આસ્થા વ્યકત કરી હતી.
