પાટણ યુનિવર્સિટીમાં PHDના ગાઈડની ફાળવણી કરવામાં આવી..

485 ઉમેદવારોને 27 વિષયના 276 ગાઈડ ફાળવવામાં આવ્યા..

પાટણ તા. ૧૬
પાટણ હેમચંદ્રાચાર્ય ઉત્તર ગુજરાત યુનિવર્સિટીમાં સૌથી ઊંચી શૈક્ષણિક ડિગ્રી પીએચડીમાં નવા શૈક્ષણિક વર્ષ માટે પ્રવેશ પ્રક્રિયા પૂર્ણ થતાં પ્રવેશ પાત્ર છાત્રોનું મેરીટ લીસ્ટ જાહેર કરી દેવામાં આવ્યું છે.
શુક્રવારે યુનિવર્સિટી ના હોસ્પિટલ મેનેજમેન્ટ વિભાગ ખાતે કાર્યકારી કુલપતિ ડો. રોહિતભાઇ દેસાઈ, કા. રજીસ્ટ્રાર ડો. કે. કે. પટેલ, અને PHD પરીક્ષા ના કો.ઓડિનર ડો. આશિષ પટેલ અને કમીટીની ઉપસ્થિત માં PHD ના ગાઈડો ની ફાળવણી કરવામાં આવી હતી.

જેમાં 485 ઉમેદવારો ને 27 વિષય માં 276 ગાઈડની ફાળવણી કરવામાં આવી હોવાનું યુનિવર્સિટી ના સુત્રો એ જણાવ્યું હતું.હેમચંદ્રાચાર્ય ઉત્તર ગુજરાત યુનિવર્સિટીના કાર્યકારી કુલપતિ ડો. રોહિતભાઈ દેસાઈ એ જણાવ્યું હતું કે, હેમચંદ્રાચાર્ય ઉત્તર ગુજરાત યુનિવર્સિટી દ્વારા પીએચડીની એન્ટ્રાસ એક્ઝામ થી લઈને સંપૂર્ણ રીતે વિદ્યાર્થીઓને સીટોનું એલોટમેન્ટ થઈ શકે અને વિદ્યાર્થી પીએચડી થઈ શકે તે માટે ગાઈડોનું એલોટમેન્ટ કરવામાં આવેલું છે. પીએચડી ના કુલ 27 વિષયો છે અને 485 વિદ્યાર્થીઓ છે.

ત્યારે ગાઇડોની સંખ્યા પણ વિવિધ વિષયોમાં 276 થી વધુ છે એટલે વિષયવાર વિદ્યાર્થીઓ ફાળવી શકાય એ માટે નું સુંદર આયોજન પણ પીએચડી કમિટીએ કરેલું હોવાનું જણાવી પીએચડી કમિટીને તેઓએ ધન્યવાદ પાઠવ્યા હોવાનું જણાવી વિવિધ ડિપાર્ટમેન્ટોના હેડ દ્વારા આ જ વિષયમાં વિદ્યાર્થીઓ ના પસંદગીના ગાઇડો મળી શકે એ માટેની વ્યવસ્થા કરવામાં આવેલી હોવાનું તેઓએ જણાવ્યું હતું.

તા. 22 ફેબ્રુઆરી એ વિદ્યાર્થી પોતાનું ટાઈટલ અને પ્રપોઝલ માટેની કમિટી સમક્ષ એ તૈયારી થી કરી શકે અને શોધમાં અરજી કરી શકે એ માટેની ઝડપી પ્રક્રિયા યુનિવર્સિટી દ્વારા થઈ રહેલી હોવાનું પણ તેઓએ જણાવી વિવિધ ગાઈડોનો વિવિધ કોલેજોના એક્સપોર્ટનો પણ સાથ સહયોગ રહ્યો છે અને સંપૂર્ણ રીતે આ પીએચડી ની પરીક્ષા નું યોગ્ય આયોજન યુનિવર્સિટી દ્વારા કરી શક્યા છે.

PHD ની કુલ 29 વિષયમાં 827 બેઠકો પૈકી માત્ર 485 બેઠકો ઉપર જ વિદ્યાર્થીઓ પ્રવેશ મેળવી શકતાં બેઠકો ખાલી રહેવા પામી છે. જેમાં સૌથી વધુ ભાષાના વિષય સંસ્કૃત,હિન્દી, ગુજરાતી ઉપરાંત કેમેસ્ટ્રી જેવા વિષયોમાં બેઠકો ખાલી રહેવા પામી છે.પ્રાકૃત અને બાયોટેક આ બે વિષયોમાં તો એક પણ છાત્ર પ્રવેશ પરીક્ષામાં પાસ ના થતા બંને વિષયોમાં બેઠકો ખાલી રહેવા પામી હોવાનું સૂત્રોએ જણાવ્યું હતું.

અહેવાલ યશપાલ સ્વામી