સેવા, સમપણૅ અને સદભાવના ની ઓળખ એટલે પાટણ ગાયનેકોલોજિસ્ટ તબીબી ડો.વી.એમ.શાહ..

ડો.વી.એમ.શાહ ની આગવી નામના અને ચાહનાને લઈ ભાજપ દ્વારા તેઓને પાટણ લોકસભા બેઠક લડાવે તેવી રાજકીય વર્તુળોમાં ચચૉઓ..

પાટણ તા.17 તબીબી નગરી તરીકે પાટણ ને વિશ્વમાં પ્રસિદ્ધ અપાવનાર અને લિમ્કા બુક ઓફ રેકોર્ડ સહિત અનેક એવોર્ડ પ્રાપ્ત કરનાર સરળ અને સાદગીભર્યુ વ્યક્તિત્વ ધરાવતા પરગજુ, સેવાભાવી ની સાથે સાથે ગરીબ દર્દીઓના હમદર્દ બની તબીબી ક્ષેત્રે આગવી નામના મેળવનાર પાટણ શહેરના સુભદ્રા નગરમાં આવેલ અવની હોસ્પિટલ ના ખ્યાતનામ ગાયનેકોલોજિસ્ટ ડોક્ટર એટલે ડો. વ્યોમેશ એમ.શાહ.

ડો.વ્યોમેશ શાહ ના જીવન વિષે જાણીએ તો તેઓનો જન્મ તા. 8/6/1956 ના રોજ પાટણ પંથકના નાના એવા કાસા- બાલવા ગામમાં માતા મૃદુલાબેન શાહ અને પિતા મૂળચંદભાઈ શાહ ને ત્યાં થયો હતો. નાનપણથી જ માતા પિતા ના સેવાના સંસ્કારો સાથે અભ્યાસમાં તેજસ્વી ડો. વ્યોમેશ શાહે M.B.D.G.O.M.I.C.H સાથે (High Risk Pregnancy Specialist) ની ડીગ્રી મેળવી શરૂઆતમાં પાટણના રતનપોળ વિસ્તારમાં પોતાનું કલીનીક શરૂ કરી લોકોની સેવા કરવાનું અભિયાન શરૂ કર્યું.

ત્યારબાદ તેઓએ પાટણ શહેરના સુભદ્રા નગરમાં પોતાની દીકરી અવનીના નામે મેડિકલની અદ્યતન સુવિધા સભર અવની હોસ્પિટલ નું નિર્માણ કરી પોતાની ગાયનેકોલોજિસ્ટ ડોકટર ની આગવી કાયૅ પધ્ધતિ થી મેડિકલ ક્ષેત્રે પાટણ ને નામના અપાવી. વષૅ 2001 ની 15 મી ડિસેમ્બરના રોજ ગાંધીનગર પ્રજાપતિ સમાજ દ્વારા આયોજિત કેમ્પમાં તેઓ દ્વારા પોતાની આગવી પદ્ધતિથી વિકસાવેલ ઓપરેશન પધ્ધતિ દ્વારા માત્ર 22 કલાકમાં 66 જેટલા ઓપરેશન એકલા હાથે કોઈપણ પ્રકારના કોમ્પ્લિકેશન વગર પૂર્ણ કરતા તેઓની આગવી ટેકનોલોજી થી પ્રેરિત થઈ લિમ્કા બુક ઓફ વર્લ્ડ રેકોર્ડ દ્વારા વર્ષ 2003માં તેઓને લિમ્કા બુક ઓફ વર્લ્ડ રેકોર્ડનો એવોર્ડ એનાયત કરતા તેઓ આ રેકોર્ડ પ્રાપ્ત કરનાર બીજા ગાયનેકોલોજિસ્ટ તરીકે નામના મેળવી તબીબી નગરી તરીકે સમગ્ર વિશ્વમાં પાટણને નામના અપાવી. ત્યારબાદ વષૅ 2002 મા રોટરી કલબ ઓફ પાટણ ના યજમાન પદે તેઓને પૌલ હેરિસન ફેલો (PHF) એચિવમેન્ટ એવોડૅ, વષૅ 2003 મા બોમ્બે ઓબીજીવાય સોસાયટી ના યજમાન પદે ફિલ્મ સ્ટાર સંજય દત્ત ના વરદ હસ્તે આઉટ સ્ટેન્ડીગ ગાયનેકોલોજિસ્ટ નો એવોર્ડ, વર્ષ 2004માં આઉટ સ્ટેન્ડિંગ ગાયનેકોલોજિસ્ટ ડો. આર એમ નાદકામી એવોર્ડ, વર્ષ 2004 માં લાયન્સ ક્લબ ઓફ પાટણના યજમાન પદે પાટણ રત્ન એવોર્ડ,વર્ષ 2007માં ન્યુ દિલ્હી ખાતે કોરિયોન એવોડૅ સાથે ગુજરાતના પ્રથમ મહિલા મુખ્યમંત્રી આનંદીબેન પટેલ અને રાજ્યપાલ દ્વારા ડોક્ટર વ્યોમેશ શાહને વિશેષ સન્માન થી નવાજવામાં આવ્યા હતા

ડોક્ટર વ્યોમેશ શાહ દ્વારા પોતાની આગવી પદ્ધતિથી વિકસાવાયેલી ઓપરેશન પદ્ધતિથી દેશની અલગ અલગ ગાયનેક સોસાયટી જેવી કે દિલ્હી, બેંગ્લોર, કોચીન, આગ્રા, અમદાવાદ,જલંધર, બોમ્બે, પુના,અકોલા, જામનગર, મોગા, ઉજ્જૈન, ઔરંગાબાદ, ઇંદોર, જયપુર સહિત અન્ય ગાયનેક ડોક્ટરર્સને પણ આ ઓપરેશન પદ્ધતિ બતાવી તેઓને પણ આ આગવી પદ્ધતિ ની ઓપરેશનથી વાકેફ કરી ગાયનેકોલોજિસ્ટ ડોક્ટર તરીકે આગવી નામના મેળવી છે.

ડો. વ્યોમેશ શાહ દ્વારા આગવી પદ્ધતિથી વિકસાવેલી ગર્ભાશયના ટાંકા વગરના ઓપરેશનની આગવી પદ્ધતિ મેડિકલ ક્ષેત્રમાં આજે પણ માસ્ટરી ગણાય છે. તેઓએ પાટણ જ નહીં સમગ્ર ગુજરાત અને દેશભરમાં અનેક જગ્યાએ તેના લાઈવ ઓપરેશન અને સેમિનારોમાં તબીબોને તેમની આ ઓપરેશન સિસ્ટમ અંગે જાણકારી અને માર્ગદર્શન આપેલ છે. તેમજ લિમ્કા બુક ઓફ રેકોર્ડ સહિત અનેક પ્રકારના એવોર્ડ અને સન્માન પ્રાપ્ત કરીને પાટણના તબીબી આલમનું વિશ્વમાં ગૌરવ વધારેલ છે.

ડોક્ટર વ્યોમેશ શાહ પોતાના તબીબી વ્યવસાય ની સાથે સાથે અનેકવિધ સેવાકીય, સામાજિક અને શૈક્ષણિક સંસ્થાઓ સાથે પણ સંકળાઈ ને લોક સેવાના કાર્યો મા આર્થિક રીતે પણ મદદરૂપ બની રહ્યા છે. ડો. વ્યોમેશ શાહ ની નામના અને તેમની સેવા પ્રવૃત્તિ ની નોંધ લઈને દેશની સૌથી મોટી રાજકીય પાર્ટી ભારતીય જનતા પાર્ટી પણ આગામી પાટણ લોકસભાની ચૂંટણીમાં તેઓને ભાજપના ઉમેદવાર તરીકે પ્રમોટ કરે તેવી ચચૉઓ પણ હાલમાં રાજકીય વર્તુળોમાં ટોક ઓફ ધી ટાઉન બનવા પામ્યો છે.

અહેવાલ યશપાલ સ્વામી