પાટણ શહેરમાં પાલીકા દ્રારા ડબ્બે કરાતા રખડતા ગાયો તથા નંદી ઓને પાંજરાપોળ સ્વીકારે તે માટે રજુઆત કરાઇ.

પાટણ નગરપાલિકાના ઓએસ, ચીફ ઓફિસર અને ઢોર ડબ્બા વિભાગના અધિકારીએ રાધનપુર વિસ્તારની પાંજરાપોળ ના સંચાલકો સાથે બેઠક કરી.

પાટણ તા. 29
પાટણ શહેરમાં રખડતા ઢોરો નો ત્રાસ દૂર કરવા પાલિકા દ્વારા હાથ ધરાતી ઢોર ડબ્બે કરવાની ઝુંબેશ દરમિયાન ડબ્બે કરાયેલા ઢોરોને પાંજરાપોળના સંચાલકો સ્વીકારવા તૈયાર ન હોય જેના કારણે પાલિકા તંત્રને રખડતા ઢોરોને કઈ જગ્યાએ રાખવા તેની મોટી સમસ્યા સર્જાય છે.

ત્યારે આ મામલે પાટણ નગરપાલિકાના ઓફિસ સુપ્રિટેન્ડન્ટ જય રામી, ચીફ ઓફિસર સંદીપભાઈ પટેલ તેમજ ઢોર ડબ્બાના અધિકારી જયેશભાઈ પંડ્યા દ્વારા પાટણ જિલ્લાના રાધનપુર વિસ્તારમાં આવેલી સુરભી ગૌશાળા અને ખોડા ઢોર પાંજરાપોળની મુલાકાત લઇ તેઓના સંચાલક સાથે પાટણ નગરપાલિકા દ્વારા ડબ્બે કરાયેલા ગાય અને નંદી ઓને સ્વીકારવા લેખિતમાં રજૂઆત કરી ભલામણ કરતા ઉપરોક્ત ગૌશાળા અને પાંજરાપોળ
ના સંચાલકોએ પાલિકાની રજૂઆત અને ભલામણ ને સ્વીકારી પાટણ નગરપાલિકા દ્વારા ડબ્બે કરાયેલા ગાયો અને નંદી ઓને સ્વીકારવાની સંમતિ આપતા ટૂંક સમયમાં પાટણ શહેરમાં પાલિકા તંત્ર દ્વારા યુદ્ધના ધોરણે શહેરમાં રખડતા ઢોરોના ત્રાસને નિવારવાની કામગીરી હાથ ધરવામાં આવનાર હોવાનું પાલિકાના સૂત્રોએ જણાવ્યું હતું.

પાલિકાના સૂત્રો તરફથી મળતી હકીકત મુજબ હાલમાં પાટણ શહેરમાં રખડતી ગાયો તથા નંદીનો ત્રાસ ખુબ જ વધારે પ્રમાણમાં વધી ગયેલ છે. જેના લીધે રખડતી ગાય તથા નંદી ( આખલા ) દ્વારા રાહદારીઓને તથા વાહન ચાલકોને હડફેટે લઈ હાલાકીઓ ઉભી કરી રહ્યા છે. જેને અનુલક્ષીને પાટણ નગરપાલિકા દ્વારા રખડતી ગાયો તથા નંદી પકડવામાં આવે છે. પરંતુ ગાયો તથા નંદી સાચવવા અને દેખરેખ રાખવા ગાયો તથા નંદીના વાડા ના હોવાના કારણે આવી રખડતી ગાયો તથા નંદી છોડી મુકવા પડે છે.

જેથી પાટણ નગરપાલિકા દ્વારા પાટણ સહિત રાધનપુર પંથકમાં કાયૅરત ગૌશાળા અને પાંજરાપોળ ના સંચાલકોને રૂબરૂ મળી વિનંતી સાથે લેખિતમાં રજુઆત કરતા ગૌશાળા અને પાંજરાપોળ ના સંચાલકો દ્રારા હકારાત્મક જવાબ આપ્યો હોય જેથી ટુક સમય મા પાલિકા દ્વારા શહેરમાં રખડતાં ઢોરોની સમસ્યા દુર કરવા ઢોર ડબ્બા ની કામગીરી તેજ બનાવી શહેરીજનોને ભોગવવી પડતી રખડતાં ઢોરોની સમસ્યા માથી મુક્તિ અપવવા કટીબધ્ધતા વ્યકત કરી છે.