એપીએમસી ના પડતર પ્રશ્નો સાભળી તેના નિરાકરણની કલેકટરે હૈયાધારણ આપી.
પાટણ તા. 29
પાટણ જિલ્લાના રાધનપુર એપીએમસી ની જિલ્લા કલેક્ટર સુપ્રિતસિધ ગુલાટી એ સરપ્રાઈઝ મુલાકાત લીધી હતી.પાટણ જિલ્લાના રાધનપુર ખાતે આવેલ એપીએમસી ખાતે માર્કેટ યાર્ડના ચેરમેન ડોક્ટર કનુભાઈ પટેલ અને માર્કેટ યાર્ડના સ્ટાફ સાથે મુલાકાત કરતા પાટણ જિલ્લા કલેક્ટર અને રાધનપુર નાયબ કલેકટરે માર્કેટ યાર્ડની મુલાકાત કરી માર્કેટ યાર્ડ ની ચાલતી કામગીરી બાબતે ચર્ચા વિચારણા કરી હતી.
સાથે સાથે માર્કેટયાર્ડના કેટલાક પ્રાણ પ્રશ્નો ની માર્કેટ યાર્ડના ચેરમેન દ્વારા કલેક્ટર સમક્ષ રજૂઆત કરાતા તેમના પ્રશ્નનો નિકાલ કરવાની કલેકટરે ખાતરી આપી હતી.
