પાટણ જિલ્લાના સાતલપુર રણની અંદર તોફાની પવન સાથે વરસાદ ખાબક્યો..

રણ વિસ્તારમાં ઝુપડા બાધી રહેતા લોકોના ઝુપડા ઉડયા..

સોલાર પ્લેટો પણ પવન અને વરસાદ ની થપાટ મા જમીન દોસ્ત થઈ..

પાટણ તા. 30
પાટણ જિલ્લામાં રામનવમીના પવિત્ર દિવસે જિલ્લા ના સાતલપુર પંથકના રણ વિસ્તારમાં બપોરના સુમારે તોફાની પવન સાથે વરસાદ ખાપકતા રણ વિસ્તારમાં ઝૂંપડા બાંધીને રહેતા અગરિયાઓને પડતા ઉપર પાટુ જેવી પરિસ્થિતિનું નિર્માણ થવા પામ્યું હતું

સાતલપુર વિસ્તારના અગરિયાઓ દ્વારા એક બાજુ રણમાં પકવેલું મીઠું ચેકપોસ્ટ ના કારણે બહાર લાવી શકતા નથી તો બીજી બાજુ રણની અંદર રામનવમી ની બપોરે તોફાન સાથે વરસાદ થતાં અગરિયાઓના મોટા પાયે નુકસાન ભોગવવાનો વારો આવ્યો છે

અચાનક વાતાવરણમાં આવેલા બદલાવ અને સુસ્વાટા બંધ પવન સાથેના વરસાદે અગરિયાઓના ઝૂંપડાઓ પણ જમીન દોસ્ત કર્યા છે ધોરણ વિસ્તારમાં ઉભી કરાયેલી સોલાર પ્લેટો પણ પવન અને વરસાદના કારણે ભોંય ભેગી થવા પામી છે સાતલપુર પંથકના અગરિયાઓને આ કમોસમી વરસાદને લઈને અનેક યાતનાઓ સાથે નુકસાની ભોગવવાનો વારો આવ્યો છે ત્યારે તંત્ર દ્વારા નુકસાની નો સર્વે હાથ ધરી વળતર ચૂકવવામાં આવે તેવી માંગ અગરિયા પરિવારોમાં પ્રબળ બનવા પામી છે.