શ્રી રામ સેનાના સેવા ભાવિ 50 જેટલા નવયુવાનએ સ્વેચ્છાએ પોતાનું રક્તદાન કર્યું..
પાટણ તા. 30
પાટણના સરીયદ ગામે શ્રી રામ સેના દ્વારા રામનવમી ના પવિત્ર દિવસે બ્લડ ડોનેશન કેમ્પનું આયોજન કરી સેવાની અનોખી પહેલ કરવામાં આવી હતી.
જેમાં 50 જેટલા યુવાનોએ સ્વેચ્છાએ પોતાનું રક્તદાન કરી રામનવમીના પવિત્ર દિવસની ઉજવણીને અનોખી રીતે ઉજવી અન્ય યુવાનોને પ્રેરણા પૂરી પાડી હતી.
રામનવમીના પવિત્ર દિવસે સરીયદના નવ યુવાનો દ્વારા રચિત શ્રી રામ સેના દ્વારા બ્લડ ડોનેશન કેમ્પનું આયોજન કરવામાં આવ્યું હતું.
સરીયદ ગામે આયોજિત કરાયેલા શ્રી રામ સેના ના બ્લડ ડોનેશન કેમ્પમાં પાટણ ની એચ.કે વોલન્ટરી બ્લડ બેન્ક પરિવારના સ્ટાફે બ્લડ કલેક્શન માટેની પોતાની સુંદર સેવાઓ આપી બ્લડ ડોનેશન કેમ્પ ને સફળ બનાવ્યો હતો.
