પાટણ તા. 30
ચૈત્રી નવરાત્રી ની પવિત્ર આઠમના દિવસે પાટણ જિલ્લા પંચાયતના વિપક્ષ ના નેતા અશ્વિનભાઈ પટેલ પરિવાર દ્વારા તેઓના નિવાસ્થાને ભક્તિ સભર માહોલ વચ્ચે મા બહુચરના આનંદના ગરબાનું આયોજન કરવામાં આવ્યું હતું.
પાટણ શહેરના ટીબી ત્રણ રસ્તા વિસ્તારના નવદુર્ગા આનંદ ગરબા મંડળ ની મહિલાઓ દ્વારા ભક્તિ સંગીતના સૂરો વચ્ચે મોડી રાત સુધી માં બહુચરના આનંદના ગરબાની રમઝટ મચાવી હતી.
તો શ્રદ્ધાળુ પરિવારના સભ્યો સહિત મોટી સંખ્યામાં ઉપસ્થિત રહેલા માઈ ભક્તોએ માથે માતાજીનો ગરબો મૂકી આનંદ ના ગરબાના ગુણલા ગાઈ માતાજીની આરાધના કરી ધન્યતા અનુભવી હતી.
પાટણ જિલ્લા પંચાયતના વિપક્ષના નેતા અશ્વિન ભાઈ પટેલ પરિવાર દ્વારા આયોજિત કરાયેલા ચૈત્રી આઠમ નિમિત્ત ના આ આનંદ ગરબા મહોત્સવમાં પાટણ જિલ્લા પંચાયત પ્રમુખ ભાનુમતિબેન મકવાણા સહિતના અધિકારીગણ,રાજકીય સામાજિક આગેવાનો, પરિવારના સગા-સંબંધી અને સ્નેહી મિત્રોએ બહોળી સંખ્યામાં ઉપસ્થિત રહી આનંદ ગરબા નો લહાવો લઈ માં બહુચર ના આશીર્વાદ પ્રાપ્ત કરી ધન્યતા અનુભવી હતી.
આનંદ ગરબાના ધાર્મિક પ્રસંગે ઉપસ્થિત રહેલા તમામ આગંતુકોનું કૈલાશબેન અશ્વિનભાઈ પટેલ પરિવાર દ્વારા શાબ્દિક સ્વાગત કરી. આવકારવામાં આવ્યા હતા.
