પાટણ તા.2
સિદ્ધપુરના ધારાસભ્ય અને રાજ્યના કેબિનેટ મંત્રી તરીકે વરાયેલા બળવંતસિંહ રાજપૂતની સિદ્ધપુર ખાતે પાટણ જિલ્લા બિલ્ડર એસોસિએશનના સભ્યો દ્વારા શુભેચ્છા મુલાકાત લેવામાં આવી હતી.
આ શુભેચ્છા મુલાકાત દરમિયાન જિલ્લાના બિલ્ડર એસોસિએશને બિલ્ડરોને સ્પર્શતા જંત્રી સહિતના વિવિધ પ્રશ્નો અંગે રજૂઆત કરતા કેબિનેટ મંત્રી એ બિલ્ડરોના પ્રશ્ને હકારાત્મક અભિગમ ની ખાતરી આપી હતી.
પાટણ જિલ્લા બિલ્ડર એસોસિએશન દ્વારા શુભેચ્છા મુલાકાત દરમિયાન કેબિનેટ મંત્રી બળવંતસિંહ રાજપૂતનું બુકે અને સાલ ઓઢાડીને સન્માન કરવામાં આવ્યું હતુ.
કેબિનેટ મંત્રી બળવંતસિંહ રાજપૂતની શુભેચ્છા મુલાકાત પ્રસંગે પાટણના જાણીતા બિલ્ડર બેબાભાઈ શેઠ તેમજ એસોસિએશનના પ્રમુખ સુરેશ પટેલ, પૂર્વ પ્રમુખ દિલીપ પટેલ, ખજાનચી રાજુ દેસાઈ સહિત રાકેશ પટેલ, નીલમ પટેલ વિગેરે બિલ્ડર એસોસિએશનના સભ્યો ઉપસ્થિત રહ્યા હતા.
