સમી 108 ટીમની પ્રમાણિકતા ને મૃતક પરિવારજનોએ સરાહનીય લેખાવી..
પાટણ તા. 3
પાટણ જિલ્લાના સમી હાઇવે માર્ગ પર ટેલર અને પીકઅપ જીપ વચ્ચે સર્જાયેલા ગમખ્વાર અકસ્માતમાં રાધનપુરના ઓધવ નગરના આશાસ્પદ જીપ ચાલક યુવાન દશરથજી ઠાકોરનું ઘટના સ્થળે ગંભીર ઇજાઓના કારણે મોત નીપજતા અને આ અકસ્માત બાબતની જાણ સમી 108 એમ્બ્યુલન્સ મા રહેલ ઈએમટી મહેશ ઠાકોર અને પાયલોટ અમરસંગ ઠાકોર ને કોલ મળતા તેઓ તાત્કાલિક અકસ્માત સ્થળે પહોંચ્યા હતા જોકે અકસ્માતમાં જીપ ચાલકનું ઘટના સ્થળે મોજ નીપજ્યું હોય મૃતક ડ્રાઇવર પાસે રહેલ કિંમતી સામાન જેમાં અંદાજિત રૂ. 5000 રોકડાં અને અંદાજીત રૂ. 14,000 નો મોબાઇલ સમી 108 ના ઇએમટી અને પાયલોટે પોતાના પાસે લઈ મૃતકના સગા સંબંધીઓ ઘટના સ્થળે આવતા તેઓને રોકડ રકમ અને મોબાઇલ ઉપર કરી 108 ની ટીમે પ્રમાણિકતાના દર્શન કરાવતા મૃતકના પરિવારજનો એ 108 ટીમનો આભાર વ્યક્ત કર્યો હતો.
