પાટણ તા. 7
હારીજ ડેપો ખાતે ફરજ બજાવતા ગૌસ્વામી કર્મચારી મંડળ દ્વારા હારીજ તાલુકાના જસો માવ ગામે સમગ્ર ગુજરાતમાં એસટી કર્મચારી તરીકે ફરજ બજાવતા દસનામી ગોસ્વામી સમાજના કર્મચારીઓનો સ્નેહ મિલન સમારોહ યોજાયો હતો.
આ પ્રસંગે ઉપસ્થિત થળી મઠના મહંત પરમ પૂજ્ય જગદીશ પુરી ગોસ્વામીએ તેમના આશીર્વાદ વચન પાઠવતા જણાવ્યું હતું કે દશનામી સમાજ ના યુવાનો શિક્ષિત બનીને આર્થિક રીતે મજબૂત બને તે દિશામાં આગળ વધી રહ્યો છે જે સમાજ માટે ગૌરવની બાબત છે ત્યારે સમાજના યુવાનો પ્રગતિ કરતા રહે તે બદલ શુભેચ્છાઓ સાથે આશીર્વાદ પાઠવ્યા હતા. મહેસાણા એસટી ડિવિઝનના અધિકારી ગજેન્દ્ર ભારતી ગોસ્વામી એ પણ આ સુંદર કાર્યક્રમના આયોજન બદલ હાર્દિક શુભેચ્છાઓ પાઠવી હતી.
આ કાર્યક્રમમાં એસટી વિભાગના અધિકારીઓ પૈકી ભગવાનપુરી ગોસ્વામી, મહેશપુરી ગોસ્વામી સહિત મોટી સંખ્યામાં ગૌસ્વામી સમાજના એસટી કર્મચારીઓ ઉપસ્થિત રહ્યા હતા. હારીજ એસટી ડેપોમાં ફરજ બજાવતા ગૌસ્વામી સમાજના દિનેશભાઈ, ઘનશ્યામપુરી, હસમુખપુરી અને રમેશપૂરી દ્વારા સુંદર સંકલન અને આયોજન કરાયું હતું.
