પાટણ તા. 9
પાટણ જિલ્લાનાં વાગડોદ પોલીસ સ્ટેશન વિસ્તારમાં ચોરાયેલ સબમર્સિબલ પમ્પ સાથે કાકોશી પોલીસે ત્રણ ઈસમોને પકડી કાયદેસરની કાર્યવાહી હાથ ધરી હોવાનું પોલીસ સુત્રો એ જણાવ્યું હતું. પાટણ જિલ્લામાં વાહન ચોરીઓ અટકાવવા શરૂ કરેલ અભિયાન અંતર્ગત બાતમીનાં આધારે કાકોશી પોલીસ સ્ટાફનાં માણસો કાકોશી પો.સ્ટેશન વિસ્તાર માં પેટ્રોલીંગ કરતા હતા. તે દરમિયાન મળેલ બાતમી નાં આધારે ત્રણ ઈસમોને ઝડપી પાડ્યાં હતા. તેઓએ છોટા હાથીના પાછળના ભાગે રાખેલ સબમર્સિબલ પંપ કે જેની કિંમત (૮ હજાર છે) સાથે વદાણી મુકામેથી સબમર્સિ બલ પંપની ચોરી કરેલી હોવાની કબુલાત કરી હતી. પોલીસે આગળ ની કાર્યવાહી હાથ ધરી હોવાનું જાણવા મળ્યું છે.
