અકસ્માતની જાણ પરિવારજનોને થતાં ઘટના સ્થળે દોડી આવ્યા : પોલીસે તપાસ હાથ ધરી..
પાટણ તા. 19
પાટણના શિહોરી ત્રણ રસ્તા નજીક ગુરુવારની મોડી સાંજે અગમ્ય કારણોસર બ્રેઝા કાર પલ્ટી ખાઈ જતાં કાર ચાલક પાટણના આશાસ્પદ એન્જિનિયર નું મોત નીપજ્યું હોવાનું જાણવા મળ્યું છે.
આ અકસ્માત ઘટનાની મળતી હકીકત મુજબ મુડેઠા ગામે પાવર ગ્રીડ ઇન્ડિયન લિમિટેડ કંપનીમાં જુનિયર એન્જિનિયર તરીકે ફરજ બજાવતા અને પાટણ ખાતે રહેતા મહેશભાઈ ચૌહાણ ગુરુવારની સવારે પોતાની બ્રેઝા ગાડી નંબર gj 24 af 78 86 લઈને મુડેઠા પોતાની ફરજ પર નીકળ્યા હતા અને રાત્રે 8:30 ના સુમારે તેઓ મુડેઠા થી પોતાની બ્રેઝા કાર લઈને પાટણ આવી રહ્યા હતા ત્યારે શિહોરી ત્રણ રસ્તા નજીક અગમ્ય કારણોસર તેઓની કાર રોડ સાઇડના તાર વાળા ખેતરમાં પલટી ખાઈ જતા મહેશભાઈ ચૌહાણ ને માથાના ભાગે ગંભીર ઈજાઓ થતા તેઓનું ઘટના સ્થળે કરુણ મોત નીપજ્યું હતું.
અકસ્માતના બનાવની જાણ પોલીસને થતા પોલીસે ઘટના સ્થળે આવી મૃતક મહેશભાઈ ચૌહાણના પરિવારજનોને જાણ કરતા પરિવારજનો પણ ઘટના સ્થળે દોડી આવ્યા હતા.પોલીસે મૃતકની લાશનું પંચનામુ કરી પીએમ કરાવી લાશને વાલી વારસો ને સોંપવામાં આવી હતી. આ અકસ્માતની મૃતકના પિતા હરજીવન
ભાઈ શંકરભાઈ ચૌહાણ એ ફરિયાદ નોંધાવતા પોલીસે આગળની તજવીજ હાથ ધરી હોવાનું જાણવા મળ્યું છે.
