પદ્મશ્રી દીવાળીબેન ભીલ ની પૂણ્યતિથિ નિમીતે એક લવ્ય જન સેવા કેન્દ્ર પાટણ દ્વારા પુષ્પાંજલી કાર્યક્રમ યોજાયો..

અબોલ પક્ષીઓ માટે પાણીના કુંડાંઓ નું નિ : શુલ્ક વિતરણ કરાયું..

પાટણ તા. 20
ગુજરાતમાં કોયલ ટહુકે તેવો મીઠો કંઠ ધારણ કરવાવાળા અને દેશ તથા દુનિયામાં આદિવાસી પરિવાર નું તથા ગુજરાતનું નામ રોશન કરનાર , ગુજરાતી ફિલ્મોમાં પોતાના મધુર અવાજ દ્વારા લોકોની ચાહના મેળવી ફિલ્મો હિટ કરનાર પદ્મશ્રી દિવાળીબેન ભીલ ની પૂણ્યતિથિ નિમીતે પાટણ ના સુર્યાનગર ભીલ વાસ ખાતે અને મીરા દવાજા ભીલવાસ ખાતે પુષ્પાંજલિ સાથે અબોલ પક્ષીઓ માટે ના પાણીના કુંડાંઓ વિતરણ નો કાર્યક્રમ આયોજિત કરવામાં આવ્યો હતો.

આ પ્રસંગે ભીલ સમાજના આગેવાન, યુવાનો એ ઉપસ્થિત રહી પદ્મશ્રી દીવાળીબેન ભીલ ને શ્રધ્ધા સુમન સમપિર્ત કરી કોટી કોટી વંદન સાથે લોકોને તેમના જીવકાળ અને સંઘર્ષ વિશે માહિતગાર કયૉ હતા.
એકલવ્ય જન સેવા ટ્રસ્ટ પાટણ દ્વારા પદ્મશ્રી દિવાળીબેન ભીલ ને પુષ્પાંજલિ અર્પણ કરવાના અને અબોલ પક્ષીઓ માટે પાણીના કુંડાંઓના આ વિતરણ કાર્યક્રમ મા આદિવાસી પરિવારના લોકો મોટી સંખ્યામાં ઉપસ્થીત રહ્યા હતા.