વૈદિક ગણિતના તજજ્ઞો દ્વારા સમાજના 150 થી વધુ વિદ્યાર્થીઓને વૈદિક ગણિતનું સુંદર અને સચોટ માર્ગદર્શન અપાયુ..
પાટણ તા. 27
પાટણ પ્રજાપતિ યુથ ક્લબ દ્વારા અવાર નવાર સમાજલક્ષી પ્રવૃત્તિઓ સાથે સમાજ ના તેજસ્વી તારલાઓને પ્રોત્સાહિત કરવા માટેના કાર્યક્રમો આયોજિત કરાતા હોય છે.શનિવારના રોજ સુભાષ ચોક નજીક પ્રજાપતિ યુથ ક્લબ દ્વારા સમાજ ના વિદ્યાર્થી ઓ માટે વૈદિક ગણિત સેમીનાર નું આયોજન કરવામાં આવ્યું હતું.
જેમાં તજજ્ઞ તરીકે વૈદિક ગણિત નું આગવું જ્ઞાન ધરાવતા ધનરાજભાઇ ઠક્કર, રૂપેશ ભાઈ ભાટીયા અને ડો રાજગોપાલમહારાજા દ્વારા પ્રજાપતિ સમાજના 150 થી વધુ વિદ્યાર્થીઓને વૈદિક ગણિત નું સુંદર અને સચોટ માર્ગદર્શન પૂરું પાડવામાં આવ્યું હતું.પાટણ પ્રજાપતિ યુથ ક્લબ દ્વારા આયોજિત વૈદિક ગણિત સેમીનારના કાર્યક્રમને સફળ બનાવવા પ્રમુખ નિલેશ ભાઈ ઓતીયા, મંત્રી અનિલ પ્રજાપતિ, પ્રોજેક્ટ ચેરમેન હિરેન પ્રજાપતિ, કો પ્રોજેક્ટ ચેરમેન જયેશભાઈ પ્રજાપતિ સહિતના સભ્યોએ જહેમત ઉઠાવી હતી.
