શિલ્ડ,શાલ,બુકે અને રોકડ પુરસ્કાર થી સન્માન કરી પ્રોત્સાહિત કરવામાં આવી..
પાટણ તા. 8
ધોરણ – ૧૦ માં પાટણ જીલ્લા માં પ્રથમ નંબર અને ગુજરાત માં દ્વિતીય નંબર લાવનાર દરજી સમાજ ના મોતી વાળા કુટુંબ ની દીકરી આસ્થા રેનિશભાઈ દરજી નું સમાજ પરિવાર દ્વારા શહેરના આશાપુરા માતાજીના મંદીર પરિસર ખાતે સન્માન સમારોહ નું આયોજન કરવામાં આવ્યું હતું.
સમાજની દિકરી દરજી આસ્થા રેનીશભાઈ ની ઝળહળતી સિધ્ધી બદલ મોતિવાલા કુટુંબે ટોફી, સાલ,બુકે અને રૂ. 10111/- રોકડ પુરસ્કાર આપી પ્રાત્સાહિત કરવામાં આવી હતી.
આ પ્રસંગે સમાજ પરિવાર ના સર્વેકુટુંબ ના ભાઈઓ, બહેનો અને વડીલોએ ખાસ ઉપસ્થિત રહી આસ્થાના ઉજ્જવળ ભવિષ્ય ની કામના વ્યકત કરી શુભેચ્છાઓ વરસાવતા આસ્થા દરજી સહિત તેના પરિવાર દ્વારા સમાજ પરિવાર નો આભાર વ્યક્ત કર્યો હતો.
સમાજની દિકરી ના આયોજિત આ સન્માન કાર્યક્રમ મા પ્રમુખ અલ્કેશ ભાઈ દરજી, ઉપપ્રમુખ સંજયભાઈ દરજી સહિત સતીશભાઈ દરજી,જીજ્ઞેશ ભાઈ દરજી, મુકેશ ભાઈ દરજી તેમજ મોતિવાલા કમિટી ના સભ્યો, સમાજ પરિવાર ના સૌ ઉપસ્થિત રહ્યા હતા.
અહેવાલ યશપાલ સ્વામી
