પાટણ તા. 15
પાટણ શહેરના નવા બસ સ્ટેશનમાંથી ચોરાયેલ બાઈક બી ડિવિઝન પોલીસે ગણતરીના દિવસોમાં બાઈક ઉઠાવગીરો સાથે ઝડપી લઇ કાયદેસરની કાર્યવાહી હાથ ધરી હોવાનું જાણવા મળ્યું છે.આ બાબતે હકીકત મુજબ પાટણ જિલ્લા પોલીસ વડા દ્વારા વણ શોધાયેલ મિલકત સબંધી ગુન્હા શોધી કાઢવા સારૂ કરેલ સુચના અનુસાર કે.કે.પંડયા નાયબ પોલીસ અધિક્ષક સિધ્ધપુર વિભાગ તથા એમ.એ પટેલ પોલીસ ઇન્સ્પેકટર બી ડીવીઝન પો.સ્ટેનાઓની મિલકત સંબંધી ગુના શોધી કાઢવા આપેલ સુચના અને માર્ગદર્શન અનુસંધાને પાટણ સીટી બી ડીવીઝન મા નોધાયેલ બાઈક ચોરી ના બનાવના ગુનાના આરોપીને ઝડપી લેવા નેત્રમ કમાંડ એન્ડ કંટ્રોલ પાટણ ના સી.સી ટીવી ફુટેજ મેળવતા શંકમંદ ઇસમ મળી આવતા સદરી ઇસમ બાબતે ખાનગી ભરોસાના બાતમીદારો દ્વારા તપાસ કરાવતાં ચોકકસ બાતમી હકીકત મળેલ કે સદરી ચોરીમા ગયેલ મો.સા. સાથે બે ઇસમો પાટણ ટી.બી.ત્રણ રસ્તા પાસે બેઠેલ છે જે હકીકત આધારે તપાસ કરતાં સદરી શકમંદ ઇસમો મળી આવતા તેઓને પકડી પુછપરછ કરતાં પોતાની પાસેનુ બજાજ ડીસ્કવર મો.સા પાટણ નવા બસ સ્ટેશન ખાતેથી ગઇ તા.7 જુન ના રોજ ચોરી કરેલ હોવાની કબુલાત કરતા ચોરીમાં ગયેલ મો.સા.સાથે આરોપી પિન્ટુજી બેચરજી ઠાકોર રહે.ગુલવાસણા તા.સરસ્વતી જી પાટણ. અને પ્રવિણજી જયંતીજી ઠાકોર રહે.ગુલવાસણા તા.સરસ્વતી જી.પાટણ ની અટકાયત કરી આગળ ની કાર્યવાહી બી. ડિવિઝન પોલીસે હાથ ધરી છે.
અહેવાલ યશપાલ સ્વામી
