પાટણ નગરપાલિકા દ્વારા શહેરના વિવિધ વિસ્તારમાં બની રહેલા પેવર રોડની કામગીરીનું પાલિકા પ્રમુખે સ્થળ નિરીક્ષણ કર્યું…

રોડનું કામ કરી રહેલા કોન્ટ્રાક્ટરને રોડની ગુણવત્તા અને મજબૂતાઈ જળવાઈ રહે તે મુજબનું કામ કરવા સૂચનાઓ આપી..

પાટણ તા. ૬
પાટણ નગરપાલિકા દ્વારા શહેરના વિવિધ વિસ્તારોમાં પેવર રોડના કામ હાલમાં ચાલી રહ્યા છે. ત્યારે ગુરુવારના રોજ પાલિકા પ્રમુખ હિરલબેન પરમાર સહિતની ટીમે નવીન બની રહેલા પેવર રોડની કામ ગીરી નું સ્થળ નિરીક્ષણ કરી કોન્ટ્રાક્ટરને પેવર રોડની કામગીરીમાં કોઈપણ જાતની કચાસ ન રહે અને રોડની ગુણવત્તા બની રહે તે માટે સૂચનાઓ આપી હતી.

પાટણ નગરપાલિકા દ્વારા હાલમાં શહેરના વીંછુખાડ જંકશન થી કેનાલ ને સમાંતર લાલેશ્વર પાર્ક પાસે થઈ અગાસીયા વીર નાળા સુધી મેટલિંગ કરી ડામરથી પેવર રોડ બનાવવાની કામગીરી કોન્ટ્રાક્ટર મારફતે શરૂ કરવામાં આવી છે.

ત્યારે ઉપરોક્ત કામગીરીનું નિરીક્ષણ કરવા ગુરૂવારના રોજ પાલિકા પ્રમુખ હિરલબેન પરમાર, પૂર્વ પ્રમુખ હેમંતભાઈ તન્નાતેમજ આ વિસ્તારના પૂર્વ કોર્પોરેટર ગોવિંદભાઈ ભીલે રૂબરૂ સ્થળ તપાસ કરી નવીન બની રહેલા રોડનું બારીકાઈથી નિરીક્ષણ કર્યું હતું.

પાલિકા પ્રમુખ સહિતની ટીમ રોડના નિરીક્ષણ અર્થે સ્થળ પર આવતા રોડનું કામ કરી રહેલા કોન્ટ્રાક્ટરે સ્થળ પર હાજર રહી રોડની કામગીરી બાબતે પાલિકા પ્રમુખને અવગત કરતા પાલિકા પ્રમુખે કોન્ટ્રાક્ટરને રોડની કામગીરીની ગુણવત્તા જળવાય અને રોડ મજબૂત અને ટકાઉ બને તે માટે જરૂરી સૂચનાઓ આપી હતી.

અહેવાલ યશપાલ સ્વામી