પાટણ તા.17
પાટણની લોર્ડ ક્રિષ્ના સ્કૂલ ઓફ સાયન્સ NTA દ્વારા મેડિકલમાં પ્રવેશ માટેની નીટ-૨૦૨૩ ની પરીક્ષામાં સમગ્ર પાટણ જીલ્લામાં પ્રથમ ક્રમાંકે રહી છે.દર વર્ષે સાયન્સમાં શ્રેષ્ઠ પરિણામ લાવતી સંસ્થાઓમાની એક એવી લોડૅ ક્રિષ્ના સ્કૂલે નીટ-૨૦૨૩માં ઉત્તમોત્તમ પરિણામ પ્રાપ્ત કરેલ છે.
જેમાં પાટણના જાણીતા ડો સપના બ્રિજેશભાઇ મેવાડાના સુપુત્ર નિસૅગ મેવાડાએ ૭૨૦ ગુણમાંથી ૬૭૨ ગુણ પ્રાપ્ત કરી સમગ્ર જીલ્લામાં પ્રથમ ક્રમાંક પ્રાપ્ત કરેલ છે. વિદ્યાર્થીઓએ ઉત્તમોત્તમ પરિણામ મેળવવા બદલ તેમને તથા તેમના વાલીઓને સન્માનવાનો કાર્યક્રમ લોડૅ ક્રિષ્ના સ્કૂલમાં યોજવામા આવ્યો હતો.
આ પ્રસંગે શાળાના ટોપર વિદ્યાર્થી નિસર્ગે પોતાનો પ્રતિભાવ આપતા જણાવ્યુ હતું કે આ પરિણામ પાછળ શાળા માંથી મળેલ માર્ગદર્શન, અથાગ મેહનત અને માતા- પિતા સહિત કુટુંબીજનોનું માર્ગદર્શન હતું.તમામ વિદ્યાર્થીએ કોઈપણ પ્રકારના ટ્યુશન વગર આ સિદ્ધિ હાંસલ કરેલ હોય અભિનંદન પાઠવી શુભેચ્છાઓ વ્યકત કરાઈ હતી.
અહેવાલ યશપાલ સ્વામી
