પાટણની તપોવન સ્કૂલ ખાતે વિશ્વ યોગ દિવસની ઉજવણી કરાઈ..

યોગગુરૂ દ્વારા તંદુરસ્ત જીવન માટે યોગ પ્રાણાયામ જરૂરી હોવાનું જણાવી માર્ગદર્શન પૂરું પાડ્યું..

પાટણ તા. 22
શિક્ષણની સાથે સાથે વિદ્યાર્થી બાળકોમાં સંસ્કારોનું સિંચન કરતી પાટણની તપોવન સ્કૂલ ખાતે 21 જૂન વિશ્વ યોગ દિવસની ઉજવણી કરવામાં આવી હતી.

વિશ્વ યોગ દિવસની ઉજવણીના ઉપલક્ષ્મા શાળાના વિદ્યાર્થીઓએ શિક્ષક ગણ સાથે વિવિધ યોગ પ્રાણાયામો રજૂ કર્યા હતા.

આ પ્રસંગે ઉપસ્થિત રહેલા યોગગુરૂ દ્વારા વિદ્યાર્થી સહિત શિક્ષક ગણને તંદુરસ્ત જીવન માટે યોગ અને પ્રાણાયામ નિયમિતપણે કરવા જરૂરી હોવાનું જણાવી યોગ અને પ્રાણાયામ નું સુંદર માર્ગદર્શન પૂરું પાડ્યું હતું.

તપોવન સ્કૂલ ખાતે આયોજિત વિશ્વ યોગ દિવસની ઉજવણી પ્રસંગે શાળાના સંચાલક હાર્દિકભાઈ રાવલ દ્વારા વિદ્યાર્થીઓ અને શાળા સ્ટાફ પરિવારને વિશ્વ યોગ દિવસની શુભેચ્છાઓ પાઠવી હતી. ..

અહેવાલ યશપાલ સ્વામી