પાટણ તા. 22
ગુજરાત સરકારના વિજ્ઞાન અને પ્રોદ્યોગિકી વિભાગના નેજા હેઠળ કાર્યરત ગુજકોસ્ટ દ્વારા સ્થાપિત રિજીયોનલ સાયન્સ સેન્ટર પાટણ ખાતે પર્યાવરણીય શિક્ષણને પ્રોત્સાહન આપવા અને આપણા ગ્રહની ઇકોસિસ્ટમ્સ પ્રત્યે જવાબદારીની ભાવનાને પ્રોત્સાહન આપવા માટે તા. ૨૨ જૂન ૨૦૨૩ ના રોજ વિશ્વ વરસાદી વન દિન ની ઉજવણી કરવામાં આવી હતી. જેમાં ૫૦ થી વધુ જાહેર જનતાએ ભાગ લીધો હતો.
સાયન્સ સેન્ટરના પ્રોજેક્ટ ડાયરેક્ટર ડૉ.સુમિત શાસ્ત્રીએ આજના દિન ના મહત્વ વિશે જણાવ્યુ કે આ વર્ષની થીમ છે “સંરક્ષણ કરો. પુનઃસ્થાપિત. પુનર્જીવિત કરો”. તે વરસાદી જંગલોના મહત્વ અને તેની ઉપચાર શક્તિને સંપૂર્ણ રીતે દર્શાવે છે. સ્વસ્થ અને સમૃદ્ધ ગ્રહને સુનિશ્ચિત કરવા માટે, આપણે ઇકોસિસ્ટમ્સની પુનઃપ્રાપ્તિમાં મદદ કરવાની જરૂર છે જે અધોગતિ પામી છે.
અથવા નાશ પામી છે. ત્યારબાદ સહભાગીઓ એ સાયન્સ સેન્ટરની પાંચ જુદી-જુદી ગેલેરીઓની મુલાકાત કરી અને ૫-ડી થિયેટર તથા વર્ચ્યુઅલ રિયાલિટી જેવી અદ્યતન ટેકનોલોજી નિહાળી આનંદ વ્યકત કર્યો હતો.
અહેવાલ યશપાલ સ્વામી
