દેશના અથૅ તંત્ર ને મજબૂત કરવા સહકારી સંસ્થાઓનુ મોટું યોગદાન રહ્યું છે : ડો. કિરીટ પટેલ..

વતૅમાન સરકાર મા બિન સહકારી માણસો સહકારી તાકાતથી નહિ પરંતુ સરકાર ના છાયાથી ઉચ્ચ હોદ્દો પર બેઠા છે : ડી.જે.પટેલ..

પાટણ તાલુકામાં સહકારી ખરીદ વેચાણ સંઘ અને રણુજ નાગરિક સહકારી બેંકની સાધારણ સભા મળી..

પાટણ તા. 24
પાટણ તાલુકા સહકારી ખરીદ વેચાણ સંઘ અને રણુજ નાગરિક સહકારી બેન્ક ની વાર્ષિક સાધારણ સભા શનિવારે રામજી મંદિર ના હોલ માં મળી હતી.જેમાં સંઘના ચેરમેન દ્રારા જણાવ્યું હતું કે સહકારી સંઘે વર્ષે 5 લાખ અને બેંકે વર્ષે 3 કરોડ નો ચોખ્ખો નફો કર્યો હોવાનું જણાવી ખેડૂતો ને યોગ્ય અને જરૂરીયાત પૂરતું જ ખાતર વાપરવા ભલામણ કરવામાં આવી હતી.

પાટણ શહેરમાં આવેલા રામજી મંદિર ખાતે શનિવારે પાટણ તાલુકા સહકારી ખરીદ વેચાણ સંઘ ની 72 મી અને રણુજ નાગરિક સહકારી બેંકની 51 મી વાર્ષિક સાધારણ સભાઓ મળી હતી. જેમાં મોટી સંખ્યામાં ખેડૂતો મંડળીઓના સભાસદો અને પશુપાલકો શહેરીજનો ઉપસ્થિત રહ્યા હતા.

જેમાં બંને સંસ્થાઓના વાર્ષિક હિસાબો અને નફાઓ ના અહેવાલો લોકો સમક્ષ રજૂ કરવામાં આવ્યા હતા બેઠક માં પાટણના ધારાસભ્ય ડો. કિરીટ પટેલ ખાસ ઉપસ્થિતિ રહ્યા હતા તેઓએ પાટણ તાલુકા સહકારી ખરીદી વેચાણ સંઘ અને રણુજ નાગરિક સહકારી બેંકની પ્રગતિ ની સરાહના કરી હતી.

વાર્ષિક સાધારણ સભા પ્રસંગે પ્રથમ પાટણ તાલુકા સહકારી સંઘની સાધારણ સભા મળી હતી જેમાં એજન્ડા પરના કામો અને સર્વ સંમતિથી બહાલી આપવામાં આવી હતી જેમાં તાલુકા સંગઠન દ્વારા ચાલુ વર્ષે પાંચ લાખ જેટલો ચોખ્ખો નફો કરવામાં આવ્યો હોવાના હિસાબો રજૂ કરવામાં આવ્યા હતા. તો રણુજ નાગરિક સહકારી બેંક દ્વારા ચાલુ વર્ષે 3 કરોડ જેટલો ચોખ્ખો નફો કર્યો હોવાના વાર્ષિક અહેવાલો રજૂ કરવામાં આવ્યા હતા.

આ પ્રસંગે ઉપસ્થિત પાટણના ધારાસભ્ય કિરીટભાઈ પટેલે જણાવ્યું હતું કે દેશના અર્થતંત્રને મજબૂત કરવામાં સહકારી સંસ્થાઓનું મોટું યોગદાન રહેલું છે.સહકારી સંસ્થાઓની પ્રવૃત્તિઓ દ્વારા ખેડૂતો પશુપાલકો ડેરીઓ આજે પગ ભર થયા છે જો સહકારી સંસ્થાઓ મજબૂત અને બિન ભ્રષ્ટાચારી સંચાલકોના હાથમાં હશે તો સહકારી સંસ્થાઓ ચોક્કસ પ્રગતિ કરે છે.

રણુજ નાગરિક બેન્ક દ્વારા 50 વર્ષની ઉજવણી પ્રસંગે દરેક સભાસદને રૂપિયા 2000ની ભેટ આપવાની વિચારણા કરી અને સરકારમાં માગણી કરી હતી પરંતુ સરકાર દ્વારા પરવાનગી આપવામાં આવી ન હતી ત્યારે જે સંસ્થા સહકારી સંસ્થાઓ સારી રીતે ચાલી રહી હોય તેને તોડવાનું કામ થતું હોય છે વધુમાં તેમણે જણાવ્યું હતું કે કોઈપણ સહકારી સંસ્થાના હોદ્દેદારો અને પ્રતિનિધિઓને ચુંટતા પહેલા એ ચકાસી લેવું જોઈએ કે તે લોકો ભ્રષ્ટાચારી નથી ને કોઈપણ સહકારી સંસ્થામાં ભ્રષ્ટાચારીઓને વહીવટ ના આપવા ભલામણ કરી હતી.

પાટણ તાલુકા સહકારી ખરીદ વેચાણ સંઘના ચેરમેન દશરથભાઈ પટેલે જણાવ્યું હતું કે વર્તમાન સરકાર મા બિન સહકારી માણસો જેને સહકારી કાયદાનો નોલેજ નથી અને અભ્યાસ નથી તેવા માણસો આજે ગુજરાતની ટોપ લેવલની સંસ્થાઓમાં ચેરમેન અને ડિરેક્ટર બનીને બેઠા હોવાનો અફસોસ વ્યક્ત કરી આવા માણસો સહકારી તાકાતથી નહીં પરંતુ સરકારના છાયા થી ડિરેક્ટરો અને ચેરમેન બનીને બેઠા છે. તેઓને ખેડૂતોને કઈ રીતે ફાયદો થાય તેનો પણ નોલેજ ન હોવાના આક્ષેપો કર્યા હતા. રામજી મંદિર ખાતે આયોજિત બન્ને બેઠકો શાંતિ પૂણૅ માહોલ મા સંપન્ન બની હતી.

અહેવાલ યશપાલ સ્વામી