ઈજાગ્રસ્ત ને પ્રાથમિક સારવાર આપી 108 મારફતે ધારપુર રિફર કરાયો..
પાટણ તા. 26
હારીજ-પાટણ હાઈવે પર થી પુરઝડપે પસાર થઇ રહેલ અજાણ્યા વાહન ચાલકે માગૅ પરથી પસાર થતાં રાહદારીને અડફેટમાં લઈને ગંભીર ઈજાઓ પહોચાડી પોતાનું વાહન લઈ ભાગી છુટયો હોવાની ઘટના પ્રકાશમાં આવવા પામી છે.
આ અકસ્માતના બનાવની મળતી હકીકત મુજબ હારીજ પાટણ હાઇવે માર્ગ પરથી પસાર થઇ રહેલ અજાણ્યા વાહન ચાલકે બોરતવાડા નજીક રામદેવ હોટલ નજીક પોતાનું વાહન પૂર ઝડપે અને ગફલત ભરી રીતે હંકારી માર્ગ પરથી પસાર થતા રાહદારીને અડફેટમાં લઈને ગંભીર ઈજાઓ પહોંચાડી પોતાનું વાહન લઇ ભાગી છૂટ્યો હતો.
ત્યારે આ અકસ્માત ની જાણ માર્ગ પરથી પસાર થતા જલારામ સેવા સમિતિના સેવાભાવી યુવાન હિતેશભાઈ ઠક્કર ને થતા તેઓએ તાત્કાલિક ઇજાગ્રસ્ત ને પોતાની કારમાં સારવાર અર્થે ખાનગી હોસ્પિટલમાં ખસેડવામાં આવ્યો હતો.
જ્યાંથી વધુ સારવાર અર્થે 108 મારફતે પાટણ ધારપુર હોસ્પિટલ ખાતે રિફર કરવામાં આવ્યો હોવાનું તેઓએ જણાવ્યું હતું.હારીજ-પાટણ હાઇવે માર્ગ પર રવિવારે મોડી રાત્રે બનેલી હિટ એન્ડ રનની ઘટનાની પોલીસ ફરિયાદ નોંધાય હોવાનું જાણી શકાયું નથી.
અહેવાલ યશપાલ સ્વામી
