પાટણ તા. 26 ધર્મની નગરી પવિત્ર પાટણ શહેરમાં ધાર્મિક ઉત્સવોની ભક્તિ સભર માહોલમાં ઉજવણીઓ કરવામાં આવતી હોય છે ત્યારે પવિત્ર અધિક માસમાં પૂર્ણ પુરુષોત્તમ ભગવાન શ્રી પુરુષોત્તમજીના ગંગા મૈયા ની વાડી ખાતે આવેલા મંદિર પરિસર ખાતે વિવિધ ધાર્મિક ઉત્સવો ઉજવવામાં આવી રહ્યા છે જે ઉત્સવોને અનુલક્ષીને બુધવારના રોજ ભક્તજનો દ્વારા ભગવાન શ્રી પુરુષોત્તમજીની ચલણી નોટો ની આંગી રચના કરવામાં આવી હતી આ આંગી રચનામાં રૂપિયા એક,બે, પાંચ, દસ, વીસ, પચાસ, સૌ અને પાચસૌ ના દરની ચલણી નોટોનો ઉપયોગ કરવામાં આવ્યો હતો. ભગવાન શ્રી પુરુષોત્તમજીને ચલણી નોટોની કરાયેલી આંગીના દર્શન માટે મોટી સંખ્યામાં પાટણના ધર્મપ્રેમી નગરજનો ઉમટ્યા હતા.
