પાટણ તા. 2 પાટણના શ્રી જગદીશ ભગવાન મંદિર પરિસર ખાતે અધિક માસ થી ભગવાનને નિત્ય ભોજન પ્રસાદ અર્પણ કરવા માટે દાતા પરિવારો તરફથી વાર્ષિક તિથિ દાન તેમજ આજીવન તિથિ દાન નોંધવાની શરૂઆત કરવામાં આવી છે. શ્રી જગદીશ મંદિર ટ્રસ્ટ પરિવાર દ્વારા અધિક માસમાં શરૂ કરાયેલી આ તિથિ દાનની સેવા પ્રવૃત્તિમાં અત્યાર સુધીમાં પાંચ જેટલી આજીવન તિથિ દાન તેમજ 60 જેટલા વાર્ષિક તિથી દાન નોંધાયા હોવાનું શ્રી જગદીશ મંદિર ટ્રસ્ટના મેનેજિંગ ટ્રસ્ટી પિયુષભાઈ આચાર્યએ જણાવ્યું હતું.
આ તિથિ દાનની સેવા પ્રવૃતિમાં પાટણના જાણીતા ગાયનેક તબીબ અને અનેકવિધ સેવાકીય પ્રવૃત્તિ કરી આગવી લોક ચાહના પ્રાપ્ત કરનાર ડો. વી. એમ. શાહ દ્રારા પણ પોતાના આસો સુદ પાંચમના પવિત્ર દિવસે સ્વગૅસ્થ થયેલા પિતા શેઠ શ્રી મૂળચંદભાઈ ભાઈચંદદાસ શાહના સ્મરણાથૅ આજીવન તિથિ દાન નોંધાવી શ્રી જગદીશ મંદિર ટ્રસ્ટની તિથિ દાનની સેવામાં સહયોગી બન્યા નું પુણ્ય પ્રાપ્ત કયુઁ છે.
અહેવાલ યશપાલ સ્વામી
