પાટણ તા. 2 ચાણસ્મા ના ધાણોધરડા વિકાસ વિદ્યાલયના તમામ બાળકોને મફત ગણવેશ તથા કંપાસ પેટીના સાધનોનું નિ શુલ્ક વિતરણ કરવાનો કાર્યક્રમ શુક્રવારે આયોજિત કરવામાં આવ્યો હતો. આ સમારોહમાં આશિષ કલાસીસના જયંતિ દુબે, શાળાના પ્રમુખ મનુભાઈ દવે, શાળાના આચાર્ય પ્રવિણભાઈ પટેલ, સરપંચ ઇશ્વરભાઇ પટેલ સહિત ગામના આગેવાનો એ ખાસ ઉપસ્થિત રહી શાળાના બાળકોને ગણવેશ તથા કંપાસ પેટીના સાધનોનું વિતરણ કરી બાળકોને પ્રોત્સાહિત કરવામાં આવ્યાં હતાં. આ સમારોહનું આયોજન આચાર્ય પ્રવિણભાઇ પટેલની અધ્યક્ષતામાં શાળાના મ.શિક્ષક દર્શકભાઇવ્યાસ તથા સ્ટાફ દ્વારા કરવામાં આવ્યું હતું.
અહેવાલ યશપાલ સ્વામી
