ભારતના યુવાનો સમૃદ્ધ,સાંસ્કૃતિક,ઐતિહાસિક, આધ્યાત્મિક અને કુદરતી વારસાના શ્રેષ્ઠ રાજદૂત છે: કા. કુલપતિ દેસાઈ…

ચાણસ્મા કોલેજ ખાતે એનસીસી દ્રારા યુવા ટુરિઝમ કલબ નો વિશેષ કાર્યક્રમ યોજાયો..

પાટણ તા. 29 હેમચંદ્રાચાર્ય ઉત્તર ગુજરાત યુનિવર્સિટી, પાટણના ઉપક્રમે આર્ટ્સ એન્ડ કોમર્સ કોલેજ ચાણસ્મા ખાતે રાષ્ટ્રીય સેવા યોજના અને એન.સી.સી. દ્વારા યુવા ટુરિઝમ ક્લબનો વિશેષ કાર્યક્રમ મંગળવારે આયોજિત કરવામાં આવ્યો હતો.આ પ્રસંગે કોલેજમાં સ્થાપવામાં આવેલી 25 સભ્યોની યુવા ટુરિઝમ ક્લબના નોડેલ ઓફિસર તરીકે રાષ્ટ્રીય સેવા યોજનાના પ્રોગ્રામ ઓફિસર ડૉ.જે. વી.પટેલની નિમણૂંક કરવામાં આવી હતી. સમારંભના અધ્યક્ષ પદે ઉપસ્થિત રહેલા યુનિ.ના કા. કુલપતિ ડૉ.રોહિત દેસાઈ એ ક્હ્યું કે યુવાનો ભારતના અને તેના સમૃદ્ધ સાંસ્કૃતિક, ઐતિહાસિક, આધ્યાત્મિક અને કુદરતી વારસાના શ્રેષ્ઠ રાજદૂત છે.

દેશમાં આધારભૂત અને વિકાસશીલ પ્રવાસનનો ફેલાવો કરવા માટે યુવા ટુરિઝમ ક્લબ અગત્યનું પગલું છે જે આવતીકાલના નાગરિકોને દેશ વિશે અને તેની ભૂગોળ વિશે જાગૃત કરવાના છે. પ્રવાસન પ્રવૃત્તિ દેશના આર્થિક, સામાજિક અને પર્યાવરણીય પડકારોમાં પણ રાહત આપ છે.

આ પ્રસંગે મુખ્ય વક્તા તરીકે ઉપસ્થિત ગુજરાત સરકારના યુવા ટુરિઝમ ક્લબ પ્રોજેક્ટના ઉત્તર ગુજરાતના કો-ઓર્ડિનેટર અને હેમચંદ્રાચાર્ય ઉત્તર ગુજરાત યુનિવર્સિટીના શારીરિક શિક્ષણ, યુવા અને સાંસ્કૃતિક પ્રવૃત્તિના નિયામક ડૉ.ચિરાગ પટેલે ક્હ્યું હતું કે યુવા ટુરિઝમ ક્લબની સ્થાપનાનો મુખ્ય ઉદ્દેશ શાળા-કોલેજમાં નિબંધ લેખન, લોગો ડિઝાઇન, ક્વીઝ કોમ્પિટિશન, ચિત્રસ્પર્ધા, સ્કેચિંગ, પોસ્ટર મેકિંગ, અભિનય તથા ડિબેટ જેવી સ્પર્ધાઓનું આયોજન કરીને ભારતીય પ્રવાસન પ્રત્યે યુવાનોને જાગૃત કરવાનો છે. આ પ્રસંગે કોલેજના કા.આચાર્ય ડો. કે. બી. પટેલ, અધ્યાપક મિત્રો અને વિદ્યાર્થીઓ મોટી સંખ્યામાં ઉપસ્થિત રહ્યા હતા.

અહેવાલ યશપાલ સ્વામી