પાટણ તા. 24 શ્રી પાટણ જૈન મંડળ સંચાલિત શ્રી બી ડી સાર્વજનિક વિધાલય, શ્રી ટી ડી સ્માટ વિધાલય,એન એસ સુરમ્ય બાળવાટિકા દ્રારા સંયુક્ત રીતે શ્રી ગણેશાય ઉત્સવની ઉજવણીનું ભક્તિ સભર માહોલમાં આયોજન કરવામાં આવ્યું હતું. દરેક દુઃખ હરતા અને સુખ સમૃદ્ધિ અર્પણ કરતા વિઘ્નહર્તા વિનાયક દેવ ને પ્રાર્થના સ્વરૂપે ઉપાસના કરી ગણેશ ઉત્સવની ઉજવણી પ્રસંગે મુખ્ય મહેમાન તરીકે વિધાલયના ભૂતપૂર્વ વિદ્યાર્થી અને જાણીતા બિલ્ડર દિલીપ પટેલે ઉપસ્થિતિ રહી માતૃ સંસ્થા નું ઋણ અદા કરવા શાળામાં અભ્યાસ કરતી જરૂરીયાતમંદ 5 વિદ્યાર્થીનીઓને શિક્ષણ પુરૂ પાડવાની જવાબદારી સાથે દતક લેતા જણાવ્યું હતું કે આ શાળા એ મને જે આપ્યું છે તે હું ક્યારે ભૂલી શકું નહિ મારી માતા જયારે મને શિક્ષણ માટે આ શાળામાં દાખલ કર્યો ત્યારે બપોરે નાસ્તા માટે પાંચ પૈસા આપતા જે હું સંગ્રહ કરી અને શિક્ષણમાં ઉપયોગ કરતો એજ મારી સફળતા એ મારું જીવન બદલ્યું અને આજે બિલ્ડર તરીકે કરોડો રૂપિયાની આવક સામે મને મારી આ માતૃસંસ્થા યાદ આવે છે. મારા પુત્ર અને પુત્રીને પણ મે ગ્રાન્ટેડ શાળા અભ્યાસમાં કરાવી આજે મારા પુત્રને અધિકારી અને પુત્રીને ડોક્ટર સુધી અભ્યાસ કરાવી શક્યો છું અને તેનો સંપૂર્ણ યશ હું આવી શ્રેષ્ઠ માતૃ સંસ્થાઓને આપું છું.
આજના આ પાવન પ્રસંગે હું ગણેશ ઉત્સવે બેઠાલા સંતાનોમાં જે દીકરીઓ ના માતા -પિતા હયાત નથી તેવી દીકરીઓનું શિક્ષણ કાર્ય બગડે નહિ તે માટે તમામ ખર્ચ હું આવી દીકરીઓ માટે ઉઠાવી મારી માતૃસંસ્થા ની 5 દિકરીઓને દતક ગ્રહણ કરી માતૃ સંસ્થા નું ઋણ અદા કરી રહ્યો હોવાનું તેઓએ જણાવ્યું હતું. આ પ્રસંગે શ્રી પાટણ જૈન મંડળના પ્રમુખ દાનેશભાઈ શાહ,રાજુભાઈ શાહ અને ભૂતપૂર્વ વિદ્યાર્થી એસો.ના પ્રમુખ ડૉ યશવંતભાઈ ઝવેરી, મંત્રી ભુપેન્દ્રભાઈ પટેલ સહિતનાઓએ દિલીપભાઈ પટેલ ના વિચારો ને ખૂબ ખૂબ સરાહી અભિનંદન આપી અને ગણેશ ઉત્સવ ના એક સાચા સારથી બનવા બદલ આભાર ની લાગણી વ્યક્ત કરી હતી. તો શાળાના આચાર્ય ડૉ.બી આર.દેસાઈ સહિતના સ્ટાફ પરિવારે ગણેશ ઉત્સવ ના આયોજન માટે અથાગ પ્રયત્નો કરી પ્રસંગ ને દિપાવ્યો હતો.
અહેવાલ યશપાલ સ્વામી
