હારીજ તાલુકાના દુધારામપુરા ગામે પત્ની એ પ્રેમી સાથે મળીને પોતાના પતિ નું ઢીમ ઢાળી દેવરાવ્યુ..

બનાવની જાણ થતાં જિલ્લા પોલીસ વડા સહિત પોલીસ કાફલો ધટના સ્થળે દોડી આવ્યો..

મૃતકની પત્ની અને તેના પ્રેમની અટકાયત કરી પોલીસે ઝીણવટભરી તપાસ હાથ ધરી..

પાટણ તા. 8 પાટણ જિલ્લાના હારીજ તાલુકાના દુધારામપુરા ગામે પ્રેમ સંબંધને લઈને જન્માષ્ટમી ની રાત્રે પ્રેમી સાથે મળીને પત્ની એ પોતાના પતિ નું ઢીમ ઢાળી દીધું હોવાની ઘટના પ્રકાશ માં આવતા જિલ્લા પોલીસ વડા સહિત નો પોલીસ કાફલો ઘટના સ્થળે દોડી આવ્યો હતો અને બનાવની ઝીણવટ ભરી તપાસ હાથ ધરી હોવાનું જાણવા મળ્યું છે. આ બનાવની મળતી માહિતી મુજબ પાટણ જિલ્લાના હારીજ તાલુકાના દુધારામપુરા ગામમાં રહેતા પરમાર મોહનભાઈ ની પત્નીને આજ ગામમાં રહેતા ઠાકોર અરવિંદજી સાથે આખો મળી જતાં પ્રેમ સંબંધ બંધાયો હતો પરંતુ પોતાના પ્રેમમાં અડચણ રૂપ સાબિત થતાં મોહનભાઈ નો કાંટો કાઠવા પ્રેમી અરવિંદજી સાથે પ્રેમિકા એ પ્લાન બનાવી જન્માષ્ટમી ની રાત્રે પોતાના પતિ મોહનભાઈ ને ગામ નજીક થી પસાર થતી કેનાલ પર લઈ ગયેલ અને પ્રેમી અરવિંદજી ઠાકોરે પ્લાન મુજબ પાછળથી આવી ધોકા વડે મોહનભાઈ પર હુમલો કરી તેઓનું ઢીમ ઢાળી ફરાર બન્યો હતો.

દુધારામપુરા ગામે સજૉયેલી ધટના ની જાણ પોલીસ ને થતાં જિલ્લા પોલીસ વડા સહિત ના સ્ટાફે ધટના સ્થળે દોડી જઈને લાશનું પંચનામું કરી પીએમ માટે હારીજ રેફરલ હોસ્પિટલમાં ખસેડી બનાવને અંજામ આપનાર મૃતક ની પત્ની અને તેના પ્રેમી અરવિંદજી ઠાકોર ની અટકાયત કરી આગળ ની તજવીજ હાથ ધરી હોવાનું જાણવા મળ્યું છે.

પાટણ જિલ્લાના હારીજ તાલુકાના દુધારામપુરા ગામે જર, જમીન અને જોરૂ કહેવતમાં પત્ની એ જ પોતાના પ્રેમી સાથે મળીને પોતાના પતિ નું ઠંડે કલેજે કાળશ કઢાવવાની ધટના સમગ્ર ગ્રામજનોમાં ટોક ઓફ ધ ટાઉન બનવા પામી છે. તો બનાવ ના પગલે પોલીસે પણ ગામમાં બંદોબસ્ત તૈનાત કરી કાયદેસરની કાર્યવાહી હાથ ધરી હોવાનું જાણવા મળ્યું છે.

અહેવાલ યશપાલ સ્વામી