પાટણ તા. ૨૩
પાટણ પોલીસ અધિક્ષક ડો.રવિન્દ્ર પટેલ નાઓની જીલ્લામાં બાઇક ચોરીના બનતા બનાવો અટકાવવા સારૂ કરેલ સૂચના અનુસાર ના.પો.અધિ.કે.કે.પંડ્યા સિધ્ધપુરના માર્ગદર્શન હેઠળ પોલીસ ઇન્સપેકટર આર.એમ.વસાવાની સુચના અને માર્ગદર્શન હેઠળ બી ડિવિઝન પોલીસ સ્ટાફના માણસો પો.સ્ટે વિસ્તાર માં મિલકત્ત સંબધી ગુન્હા લગતની કાયૅવાહી કરવા માટે ખાનગી વાહન દ્રારા પેટ્રોલીંગમાં હતા તે દરમ્યાન પાટણ નવા બસ સ્ટેશનની પાછળના ભાગે આવતાં એક ઇસમ હિરો કપંનીનુ મો.સા. લઇને શંકાસ્પદ હાલતમાં મળી આવતા
પોતાની પાસેના બાઇક તથા પોતાની હાજરી બાબતે પુછપરછ કરતા કોઇ સંતોષકારક જવાબ આપતો ન હોઇ જેથી નજીક માંથી બે પંચો બોલાવી પંચો રૂબરૂ નામઠામ પુછતા તેણે પોતાનું નામ શ્રવણજી સોરાબજી સરદારજી ઠાકોર ઉ.વ.૩૨ ધંધો મજુરી રહે.દેલવાડા હરીવાડીયા પરૂ તા-સરસ્વતી,જી પાટણ વાળો હોવાનુ જણાવતા પોલીસે તેની પુછપરછ કરતાં પોતે સદર બાઇક પાટણ રેલ્વે સ્ટેશન પ્લેટફોર્મ ઉપર ટીકીટ બારીના સામેના ભાગેથી આશરે નવેક દિવસ અગાઉ આશરે સવારના સાડા દસેક વાગ્યાના સુમારે ચોરી કરેલાની કબુલાત કરેલ જે બાઈક ચોરી ની અગાઉ મહેસાણા રેલ્વે પોલીસ સ્ટેશન પોસ્ટે પાર્ટ એ ગુ.ર.થયેલ હોય સદરી ઇસમને પોલીસે ચોરીના બાઈક સાથે ઝડપી આગળની કાર્યવાહી હાથ ધરી હોવાનું જાણવા મળ્યું છે.
અહેવાલ યશપાલ સ્વામી