પાટણની શેઠશ્રી એન.જી.પટેલ પ્રાથમિક શાળાના મુખ્ય દાતાશ્રીના પ્રતિમાઅનાવરણ તથા ભગવાન શ્રીરામની સ્થાપના કરવામાં આવી

આજ રોજ પાટણની શૈક્ષણિક ક્ષેત્રે, રમતગમત ક્ષેત્રે, સાંસ્કૃતિક ક્ષેત્રે અગ્રેસર એવી શેઠશ્રી એન. જી પટેલ પ્રાથમિક શાળામાં સ્વ.શેઠશ્રી નાગરદાસ ગુલાબચંદ પટેલ ના પ્રતિમા અનાવરણ કાર્યક્રમ તથા ભગવાન શ્રીરામના સ્થાપન કાર્યક્રમની ઉજવણી કરવામાં આવી. શાળાના જુના મકાન માંથી નવું મકાન હવા- ઉજાસવાડા અધતનસુવિધા અને ટેકનોલોજીથી સજ્જ તથા ફક્ત શૈક્ષણિક હેતુ માટે સ્વ. શેઠશ્રી નાગરદાસ ગુલાબચંદ પટેલના પરિવાર તરફથી તારીખ-09-09-2012 ના રોજ બાળકો માટે શાળાનું નવું મકાન બનાવી શાળાને અર્પણ કરવામાં આવ્યું હતું.

આજે તારીખ-09-09-2023 ના રોજ આ શાળાને નવીન મકાનમાં 11 વર્ષ પૂર્ણ કરેલ છે, સ્વ. શેઠશ્રી નાગરદાસ ગુલાબચંદ પટેલની આ પુણ્યતિથિ નિમિત્તે દાતાશ્રીના પ્રતિમા અનાવરણ કાર્યક્રમ રાખવામાં આવ્યો હતો. આ કાર્યક્રમમાં શરૂઆત ભારતીય સંસ્કૃતિ પ્રમાણે પ્રાર્થનાથી કરવામાં આવી. પ્રાર્થના શાળાની ધોરણ-4 ની દીકરીઓએ અભિનય સાથે પ્રાર્થના રજૂ કરી જેમાં શાળાના શિક્ષકશ્રી કપુરભાઈ ઠાકોર તરફથી બાળાઓને 1000 રૂપિયા પ્રોત્સાહન આપવામાં આવ્યું હતું કાર્યક્રમમાં મહેમાનશ્રીઓના હસ્તે દીપ પ્રાગટ્ય કરી કાર્યક્રમને ખુલ્લો મુકવામાં આવ્યો હતો અને આચાર્યશ્રી વસંતભાઈ પટેલ દ્વારા મહેમાનોનું હૃદયપૂર્વક શાબ્દિક અને પુષ્પગુચ્છથી સન્માન કરવામાં આવ્યું હતું. શાળાના મુખ્ય દાતા સ્વ. શેઠશ્રી નાગરદાસ ગુલાબચંદ પટેલના પ્રતિમા અનાવરણ તથા ભગવાન શ્રીરામ-લક્ષ્મણ-જાનકી માતાના પ્રતિમા સ્થાપન પાટણના એક્ટિવ ધારાસભ્ય ડો.કિરીટભાઈ પટેલ દ્વારા કરવામાં આવ્યું હતું.

શાળામાં શ્રીરામ ભગવાનના મંદિરની સ્થાપના સ્વ.ઇન્દુમતીબેન ધનશંકરભાઈ દવેના સમરણાર્થી હસ્તે.પુત્રવધુ વર્ષાબેન દેવેન્દ્ર દવે દ્વારા મંદિરની સ્થાપના કરવામાં આવી. આ પ્રસંગે શેઠશ્રી એન જી પટેલ પ્રાથમિક શાળાના મુખ્ય દાતાશ્રી સ્વ.નાગરદાસ ગુલાબચંદ પટેલ હસ્તે. મંત્રીશ્રી મનસુખભાઈ એન પટેલનું પાટણના એક્ટિવ ધારાસભ્ય શ્રી ડો. કિરીટભાઈ પટેલ દ્વારા મોમેન્ટ આપી વિશેષ સન્માન કરવામાં આવ્યું. શ્રી દેવેન્દ્રભાઈ સોમપુરા સાહેબશ્રી દ્વારા શ્રીરામ ભગવાનના મંદિરની સ્થાપના કરવા બદલ ઉત્તર ગુજરાત યુવક મંડળના પ્રમુખશ્રી ડો. જી કે પટેલ સાહેબશ્રી દ્વારા વિશેષ સન્માન કરવામાં આવ્યું.

શાળાના મુખ્ય દાતાશ્રી સ્વ.શેઠશ્રી નાગરદાસ ગુલાબચંદ પટેલની પુણ્યતિથી નિમિત્તે આ કાર્યક્રમમાં શાળાના તમામ બાળકો તથા પધારેલ મહેમાનો માટે મહા-ભોજન વ્યવસ્થા રાખવામાં આવી હતી. આ પ્રસંગે શાળાના નિવૃત્ત આચાર્યશ્રી ચંદ્રકાંતભાઈ પટેલ, ઉ. ગુ. યુ. મંડળના ઉપપ્રમુખશ્રી મહેન્દ્રભાઈ પટેલ, નિવૃત કનીયાન અધિકક્ષ એસ.એસ પટેલ સાહેબશ્રી, પાટણના એક્ટિવ ધારાસભ્ય ડો. કિરીટભાઈ પટેલ સાહેબશ્રી, ઉ.ગુ.યુવક મંડળના મંત્રીશ્રી મનસુખભાઈ . એન પટેલ સાહેબશ્રી અને સમારંભના અધ્યક્ષશ્રી ડોક્ટર જે. કે પટેલ સાહેબશ્રી દ્વારા કાર્યક્રમને અનુરૂપ પ્રેરણાશ્રોત ઉદબોધન કરવામાં આવ્યું. આ કાર્યક્રમમાં ઉત્તર ગુજરાત યુવક મંડળના હોદ્દેદારશ્રી કારોબારી સભ્યો, દાતાશ્રીના પરિવાર, મહેમાનોશ્રીઓ, ઉત્તર ગુજરાત યુવક મંડળના નિવૃત્ત કર્મચારીશ્રી,આચાર્યશ્રીઓ,શિક્ષક મિત્રો, સેવક મિત્રો હાજર રહી કાર્યક્રમને શોભાવ્યો હતો.

અહેવાલ યશપાલ સ્વામી