સપીયા ઈલેવને પ્રથમ બેટીગ કરી 12 ઓવરમાં 116 રન નો લક્ષ્યાંક આપતા સૃષ્ટિ ઈલેવને 10.5 ઓવરમાં 117 બનાવી વિજય હાંસલ કર્યો..
પાટણ તા.14 પાટણ ના શ્રી પદ્મનાભ ભગવાન ના પરિસરમાં રવિવારે પ્રજાપતિ સમાજના ક્રિકેટ ખેલાડીઓને પ્રોત્સાહિત કરવા શ્રી પદ્મનાભ પ્રીમિયર લિંગ PPL સીઝન 5 ક્રિકેટ ટુનૉમેન્ટ ની ફાઈનલ મેચ યોજવામાં આવી હતી.
આ ટુનૉમેન્ટ ના મુખ્ય સ્પોન્સર સારથી હીરોના ઓનૅર નંદીસ ભરતભાઈ પ્રજાપતિ એ સહયોગ પુરો પાડ્યો હતો. આ ટુર્નામેન્ટમાં પ્રજાપતિ સમાજના ખેલાડીઓની જુદી જુદી 8 ટીમોએ ભાગ લીધેલ હતો.
ટુનૉમેન્ટની ફાઇનલ મેચ સૃષ્ટિ ઈલેવન અને સપીયા ઈલેવન વચ્ચે રવિવારે યોજાઈ હતી જેમાં સૃષ્ટિ ઈલેવને ટોસૅ જીતી ફિલ્ડીગ સ્વીકારી હતી તો સપીયા ઈલેવને પ્રથમ બેટિંગ કરી 12 ઓવર માં 5 વિકેટે 115 રન કર્યા હતા. જેની સામે સૃષ્ટિ ઈલેવને 10.5 ઓવરમાં 3 વિકેટ ગુમાવી 117 બનાવી ફાઈનલ મેચ માં જીત હાંસલ કરી હતી.
મેન ઓફ ધ મેચ કલ્પેશ પ્રજાપતિ, ટુર્નામેન્ટના બેસ્ટ બેસ્ટમેન દેવ ઓઝા, ટુર્નામેન્ટના બેસ્ટ બોલર ક્રિમીલ પ્રજાપતિ ને ટ્રોફી આપી સન્માનિત કરવામાં આવ્યા હતા.
જયારે ફાઈનલ મેચ ની વિજેતા ટીમ સૃષ્ટિ ઈલેવન ના સ્પોન્સર જયેશભાઈ પ્રજાપતિ અને કપ્તાન જિગ્નેશ પ્રજાપતિ ને ઉપસ્થિત મહાનુભાવો ધર્મેશ પ્રજાપતિ, જયેશભાઈ પ્રજાપતિ, યશપાલભાઈ સ્વામી અને નવીનભાઈ પ્રજાપતિ અમેરિકા વાળા ના વરદ હસ્તે સારથી હીરો કપ તેમજ રૂ. 7100 નું રોકડ પુરસ્કાર એનાયત કરવામાં આવ્યું હતું. જયારે રનૅસ અપ ટીમને પણ રનૅસ ટ્રોફી સાથે રૂ.3100 નું રોકડ પુરસ્કાર આપવામા આવ્યું હતું. શ્રી પદ્મનાભ પ્રિમિયર લીગ ક્રિકેટ ટુર્નામેન્ટને સફળ બનાવવા ટુનૉમેન્ટ ના આયોજકો જીગર પ્રજાપતિ,હિતેશ પ્રજાપતિ ,અપુલ પ્રજાપતિ,સંજયસ્વામી, હિમાંશુ સ્વામી, ધર્મેન્દ્ર પ્રજાપતિ સહિત PPL ગ્રુપના તમામ સભ્યોએ જહેમત ઉઠાવી હતી.
અહેવાલ યશપાલ સ્વામી
