કચ્છ ભુજ રેન્જ આઈજી એ જિલ્લા પોલીસ વડા અને પાટણ નગર પાલિકાના પ્રમુખ સાથે દલિત વિસ્તારના લોકો સાથે વાર્તાલાપ કર્યો…

દલિત આગેવાન દેવજીભાઈ પરમાર અને તેમના પરિવાર દ્વારા રેન્જઆઈજી સહિત જિલ્લા પોલીસ વડા અને પાલિકા પ્રમુખ ને સાલ ઓઢાડી સન્માનિત કરાયા..

પાટણ તા. 14 કચ્છ ભુજના બોર્ડર રેન્જના આઈજી ગતરોજ પાટણ જિલ્લા પોલીસ ની ઇન્સ્પેક્શન વિઝીટ માટે પધાર્યા હતા. તેઓની આ વિઝીટ દરમિયાન તેઓએ પાટણ જિલ્લા પોલીસ વડા અને પાટણ નગર પાલિકા ના નવનિયુક્ત મહિલા પ્રમુખ હિરલબેન પરમાર સાથે શહેરના નાનીસરા દલિત વિસ્તારની મુલાકાત લઇ દલિત આગેવાનો સહિત વિસ્તારના રહીશો સાથે જરૂરી વિચાર વિમૅશ સાથે વાતૉલાપ કરી દલિત વિસ્તારમાં કોઈ પણ પ્રકારની મુશ્કેલીઓ ઉભી થાય તો પોલીસ તંત્ર તેઓની સાથે રહેશે તેવી હૈયાધારણા આપી હતી.

નાનીસરા દલિત વિસ્તારની મુલાકાતે આવેલા રેન્જ આઈજી તેમજ જિલ્લા પોલીસ વડા સહિત પાટણ નગર પાલિકાના પ્રમુખે વિસ્તારના દલિત અગ્રણી અને પાટણ નગરપાલિકાના પૂર્વ પ્રમુખ દેવજીભાઈ પરમારના નિવાસ સ્થાને પધારતા દેવજીભાઈ પરમાર અને તેમના પરિવારજનો દ્વારા ભુજ કચ્છ રેન્જ આઈજી તેમજ જિલ્લા પોલીસ વડા સહિત નગરપાલિકા પ્રમુખ નું શાબ્દિક સ્વાગત કરી રૂડો આવકાર આપી સાલ ઓઢાડી સન્માન કરી આભારની લાગણી વ્યક્ત કરી હતી.

અહેવાલ યશપાલ સ્વામી