પાટણ તા.15
પોલીસ મહા નિરીક્ષક સરહદી રેન્જ કચ્છ ભુજ જે.આર.મોથલીયા ગતરોજ પાટણ જિલ્લા પોલીસ ના વાર્ષિક ઇન્સ્પેક્શન વિઝીટ માટે પાટણ ખાતે પધાર્યા હતા. તેઓની આ વિઝીટ દરમ્યાન પાટણ જિલ્લા પોલીસ વડા ડો. રવિન્દ્ર પટેલ દ્વારા જિલ્લા પોલીસ વડા ની કચેરી ખાતે પાટણ ના રાજકીય, સામાજિક આગેવાનો સહિત વિવિધ સંગઠનો સહિત પાટણ શહેર અને જિલ્લા ના પ્રબુદ્ધ નગરજનો સાથે લોક સંવાદ કાર્યક્રમ નું આયોજન કરવામાં આવ્યું હતું.
આ લોક સંવાદ કાર્યક્રમ ના સમાપન બાદ પાટણ ના સેવાભાવી આગેવાન એડવોકેટ ડો.મનોજ કુમાર પરમાર (સમાનતા વિચાર મંચ), કોમ્પ્યુટર ગુરૂ કમલેશભાઈ સોલંકી, પદ્મકુટીર સોસા.ના પ્રમુખ ભરતભાઈ વાણિયા અને નિવૃત કમૅચારી ખેમચંદભાઈ સોલંકી દ્રારા પોલીસ મહા નિરિક્ષક કચ્છ ભુજ રેન્જ જે.આર.મોથલીયા અને જિલ્લા પોલીસ વડા ડો.રવિન્દ્ર પટેલ નું શાલ અને મોમેન્ટ થી સન્માન કરતાં પોલીસ મહા નિરિક્ષક કચ્છ ભુજ રેન્જ જે.આર.મોથલીયા અને જિલ્લા પોલીસ વડા ડો. રવિન્દ્ર પટેલે પોતાના સન્માન બદલ સૌનો આભાર વ્યક્ત કર્યો હતો.
અહેવાલ યશપાલ સ્વામી
