ધારપુર ના ઓર્થોપેડિક સર્જન દ્વારા ઘૂંટણના દુખાવાની તકલીફ ભોગવી રહેલ મહિલાના ઘૂંટણની સફળ સજૅરી કરાઈ..

જરૂરિયાત મંદ દર્દીઓના ધારપુર હોસ્પિટલમાં નિશુલ્ક ઓપરેશન થતાં પરિવારે તબીબ સહિત સ્ટાફ નો આભાર વ્યક્ત કર્યો..

પાટણ તા. 15 ઘુંટણ નો ઘસારો એ એક વધતી ઉંમરે થતો સાંધા નો ઘસારો છે ભારત માં ઘુંટણ ના ઘસારા નું પ્રમાણ વિશ્વ માં સૌથી વધારે છે. ઘૂંટણ ના સાંધા સંબંધિત સમસ્યાઓ ના ઉપચાર માટે આજ ના સમયમાં KNEE રિપ્લેસમેન્ટ નું ઓપરેશન ખૂબ જ પ્રચલિત છે ત્યારે આવા ઓપરેશનો પાટણની ધારપુર હોસ્પિટલમાં ફરજ બજાવતા ઓર્થોપેડિક સર્જન ડોકટર દ્રારા સફળ રીતે કરવામાં આવી રહ્યા હોવાનું હોસ્પિટલ ના સુત્રોએ જણાવ્યું હતું. ઘુંટણના દદૅથી પિડીત દર્દી પુષ્પાબેન ઘનજીભાઈ પટેલ , ઉંમર ૬૪ વર્ષ ,રહે. સનૂક તાલુકા ઊંઝા નાએ જીએમઇઆરએસ મેડીકલ કોલેજ અને હોસ્પિટલ, ધારપુર ખાતે હાડકાં નાં વિભાગ માં બતાવા માટે આવેલ હતાં. આ પહેલા પણ દદીઁ એ પાટણ જિલ્લામાં અને આજુ બાજુમાં આવેલી ઘણી હોસ્પિટલમાં ઘુંટણ ની તકલીફ બાબતે નિદાન કરાવ્યું હતું.દર્દી ને મુખ્યત્વે બંને ઘુંટણ માં દુખાવો હતો અને બને પગ અંદર ની બાજુ વળી ગયેલાજેનાથી દદીઁને ચાલવામાં તકલીફ પડતી હતી અને દર્દી નીચે પલાઠી વાળી ને બેસી શકતા નહોતા.
આ તકલીફ દર્દી ને છેલ્લાં ૧૦ વર્ષથી હતી. ત્યારે ડૉ. પુલકીત મોદી અને એમની ટીમ દ્રારા તપાસ કરતાં માલુમ પડ્યું કે દર્દી ને બંને ઘુંટણ માં અતિશય ધસારો હતો.આ માટે દર્દી ને ઘુંટણ બદલવાના ઓપરેશન ની સલાહ આપી દર્દી ને જીએમઇઆરએસ મેડીકલ કોલેજ અને હોસ્પિટલ, ધારપુર ખાતે દાખલ કરી એકપણ પૈસા નાં ખર્ચ વગર આયુષ્માન ભારત યોજના હેઠળ બંને ઘુંટણનાં સાંધા બદલવાનું ઓપરેશન સફળતા પૂર્વક કરવામાં આવ્યું હતું.

ઓપરેશન બાદ દર્દી ને બીજા દિવસ થી નિષ્ણાત ડૉક્ટર અને નિષ્ણાત ફીજીયોથેરાપીસ્ટ ની ટીમ દ્વારા દર્દી ને ચલાવતા દર્દીએ દુખાવામાં ખુબજ રાહત હોવાનું જણાવતાં દર્દી ને રજા આપતી વખતે દર્દી ધ્વારા ડૉ. પુલકીત મોદી અને એમની ટીમ તથા જીએમઇઆરએસ મેડીકલ કોલેજ અને હોસ્પિટલ, ધારપુરના ડીન ડૉ. હાર્દિક શાહ તથા તબીબી અધિ‌ક્ષક ડૉ. પારૂલ શર્મા મેડમ અને સંપૂર્ણ જીએમઇઆરએસ મેડીકલ કોલેજ અને હોસ્પિટલ, ધારપુર પરિવારનો આભાર વ્યક્ત કર્યો હતો.તો ધારપુર મેડીકલ કોલેજ એન્ડ હોસ્પિટલ દ્રારા એક ગરીબ , નિસહાય અને અસાધ્ય રોગથી પિડાતી બહેનના નાકમાં થયેલ મસા નું પણ ધારપૂર હોસ્પિટલના કાન નાક ગળાના વિભાગના વડા અને ડીન ડો.હાર્દિક શાહે તેમની ટીમ વડે તમામ રીપોર્ટસ તૈયાર કરાવી , નાક અને સાયનસમાં પ્રસરેલી જોખમી ગાંઠને નવી આધુનિક પધ્ધતિમાં એન્ડોસ્કોપ દ્વારા કોઈપણ પ્રકારના ચીરા કે ટાંકા વગર નાકમાંથી જ ગાંઠ દૂર કરાઈ હોવાનું હોસ્પિટલ ના સુત્રોએ જણાવ્યું હતું.

અહેવાલ યશપાલ સ્વામી