પાટણ માંથી ઝડપાયેલો દુબઇ રિટર્ન સટ્ટાકિંગ વધુ ચાર દિ’નાં રિમાન્ડ ઉપર સોપાયો…

પાટણ તા. ૨
પાટણ શહેરમાં અંબાજી નેળીયાની યશ વિહાર સોસાયટીના મકાન નં. ૨૦૭ ની બહાર થી તા. ૨૭ મી જુલાઇનાં રોજ વહેલી સવારે ભુજ કચ્છ સરહદી રેન્જ સાયબર ક્રાઈમ પોલીસ સ્ટેશનની ટીમે વોચ ગોઠવી ને પકડેલા આંતરરાષ્ટ્રીય ક્રિકેટ સટ્ટાનાં ખેલાડી ભરતભાઈ ગુમાજી ભાઈ ચૌધરી રે. મુળ કમાલપુર, તા. રાધનપુર હાલ રે. અમદાવાદ વાળા ના છ દિવસનાં રિમાન્ડ ગુરૂવારે પુરા થતાં તેને ફરીથી પાટણની જયુડીસીયલ કોર્ટનાં મેજિસ્ટ્રેટ એસ.એસ.જાનીની કોર્ટમાં રજુ કરીને કેસની ગંભીરતા સાથે આરોપી પાસેથી હજુ ધણી જાણકારી મેળવવાની બાકી હોય પોલીસે વધુ રિમાન્ડની માંગણી કરતાં કોર્ટે સરકારી વકીલ વંદનાબેન સી. ચૌહાણ અને પોલીસ તથા આરોપીનાં વકીલની રજુઆતો ધ્યાને લઇને આ કેસનાં મુળ સુધી જવા માટે વધુ ચાર દિવસના એટલે કે તા. ૫-૮-૨૦૨૪ સુધીનાં રિમાન્ડ પર પોલીસ કસ્ટડીમાં સોંપ્યો હોવાનું જાણવા મળ્યું છે.

અહેવાલ યશપાલ સ્વામી