પાટણ તા. 16 પાટણ જિલ્લાના સરસ્વતી તાલુકાના અજિમણા મુકામે ગુજરાત સ્પોર્ટ્સ ઓથોરિટી અને પાટણ જિલ્લા રમતગમત વિભાગ તરફથી જિલ્લા કક્ષાની બહેનોની કબડી સ્પર્ધાનું આયોજન કરવામાં આવ્યું હતું. આ કાર્યક્રમનું ઉદઘાટન પાટણ જિલ્લા શિક્ષણાધિકારી અશોકભાઈ ચૌધરી તેમજ શાળાના આચાર્ય કાનજીભાઈ દેસાઈના હસ્તે કરવામાં આવ્યું હતું.
જેમાં સરસ્વતી તાલુકાની એસ પી ઠાકોર સર્વોદય વિદ્યાલય કાંસાની અંડર-17 બહેનોની ટીમ ફાઇનલ માં ચાણસ્મા તાલુકાને હરાવી જિલ્લા કક્ષાએ વિજેતા બનતા આ ટીમ આગામી રાજ્ય કક્ષાએ રમાનાર સ્પધૉમા પાટણ જિલ્લાનું પ્રતિનિધિત્વ કરશે. વિજેતા ટીમના કોચ તરીકે નીનાબેન રાજપૂતે ખેલાડીઓને અથાગ મહેનતથી તૈયાર કરી આ પરિણામ હાંસલ કયુઁ હોવાનું શાળા સંચાલકોએ જણાવ્યું હતું.
અહેવાલ યશપાલ સ્વામી
