પાટણ તા. 16 ડૉ.બાબાસાહેબ આંબેડકર ઓપન યુનિવર્સિટીના કુલપતિ પ્રો. ડૉ.અમી ઉપાધ્યાજી ની પ્રેરણા અને માર્ગદર્શનથી પાટણ- પ્રાદેશિક કેન્દ્ર ખાતે “ વિશ્વ અંધંજન દિવસ” નિમિત્તે લોકફાળો એકત્રી કરણ કાર્યક્રમ યોજાયો હતો. વિશ્વમાં હાલમાં 43 મીલીયન લાખ અને ભારતમાં 18 મિલિયન થી વધુ લોકો અંધત્વ સાથે જીવી રહ્યા છે. સમાજના એક સુજ્ઞ નાગરિક તરીકે ફૂલ નહી તો ફૂલની પાંખડી સ્વરૂપે સમાજનું ઋણ અદા કરી ફાળો આપે તેવા સંદેશા સાથે પાટણ શહેરની ટી.એસ.આર. કોમર્સ, આર્ટસ કોલેજ, આદર્શ કોલેજ અને ભગવતી ઇન્ટરનેશનલ સ્કુલ તેમજ હેમચંદ્રાચાર્ય ઉત્તર ગુજરાત યુનિવર્સિટીનાં વિવિધ વિભાગોએ અમુલ્ય ફાળો આપી આ લોકફાળા એકત્રીકરણ માં સહભાગી બન્યા હતા. ટી.એસ.આર. કોમર્સ ના આચાય ડૉ. વિરમગામી અને ડૉ. પ્રતિક સુથારે વિધાર્થીઓને પ્રોત્સાહિત કરી ખુબ મોટો ફાળો આપી કાર્યક્રમને સફળ બનાવ્યો હતો. આ લોકફાળો અંધજન મંડળ અને વિકલાંગ મંડળ વિસનગર અને અંધજન મંડળ, અમદાવાદ અને વિકલાંગ મંડળ પાટણ ખાતે મોકલી આપવામાં આવ્યો હતો.આ કાર્યક્રમમાં પ્રાદેશિક કેન્દ્ર ખાતે ફરજ બજાવતાં ડૉ.લીલાબેન સ્વામી તેમજ વિજયભાઈ પ્રજાપતિએ ઉપસ્થિત રહીને પ્રેરણા પૂરી પાડી હતી.
અહેવાલ યશપાલ સ્વામી
