રાધનપુર ના નીચાણવાળા વિસ્તારો બેટમાં ફેરવાતા નગરજનોની હાલત કફોડી બની..
પાટણ તા. 18 સમગ્ર ગુજરાતમાં હવામાન વિભાગની આગાહી વચ્ચે મેહુલ્યો માહોલ જામ્યો છે ત્યારે છેલ્લા બે દિવસ થી પાટણ શહેર અને જિલ્લામાં પણ ભારે થી અતિભારે વરસાદ વરસતાં જળબંબાકાર ની સ્થિતિ નું નિમૉણ થવા પામ્યું છે.
પાટણ શહેર સહિત સમગ્ર જિલ્લામાં સોમવારે વહેલી સવારથી મેઘરાજાની પધરામણી થતાં વાતાવરણ ઠંડુગાર બન્યું હતું તો જિલ્લાના તાલુકા મથકો રાધનપુર, સાંતલપુર,સિદ્ધપુર,હારીજ,સમી, ચાણસ્મા,શંખેશ્વર, સરસ્વતી સહિત ગ્રામ્ય વિસ્તારોમાં પણ ભારે થી અતિભારે વરસાદ વરસ્યો હતો.
જેમાં રાધનપુરમાં 6 કલાકમાં 6 ઈંચ વરસાદ ખાબકતા માર્ગો પર પાણી ફરી વળ્યા હતા તો નીચાણ વાળા વિસ્તારો સહિત મસાલી રોડ અને મેઈન બજારમાં પાણી ભરાતાં શહેરીજનો ની મુશ્કેલીઓ વધવા પામી હતી. વરસાદી પાણી ભરાવાના કારણે વાહન ચાલકો અને રાહદારીઓ પણ પરેશાન બન્યા હતા. સોમવારે પાટણ શહેર સહિત જિલ્લાનાં અનેક વિસ્તારોમાં વરસાદ નોંધાયો છે. જેમાં સૌથી વધુ રાધનપુર મા વરસાદ ખાબકયો હોવાનું હવામાન વિભાગના સુત્રો તરફથી જાણવા મળ્યું હતું.
અહેવાલ યશપાલ સ્વામી