પાટણ તા. 22 પાટણ મામલતદારના અઘ્યક્ષ સ્થાને પાટણ જિલ્લા સહકારી સંઘ- પાટણના હોદ્દેદારો માટે અઢી વર્ષ માટેની ચૂંટણી યોજવામાં આવી હતી. ચૂંટણી અધિકારી અને મામલતદાર પાટણ દ્વારા તમામ બોર્ડ ઓફ ડિરેક્ટરોની હાજરીમાં સંઘના ચેરમેન તરીકે દાવેદારી નોંધાવવા સૂચન થતાં સંઘના ચેરમેન તરીકે સુરેશભાઇ સી.પટેલ અને વા.ચેરમેન તરીકે વિષ્ણુભાઇ રામદાસ પટેલને ઉપસ્થિત સૌ સભ્યો એ સર્વાનુમતે ચૂંટાયેલા જાહેર કરવામાં આવ્યા હતા. તેમજ માનદમંત્રી તરીકે પ્રભુદાન ગઢવીની નિયુક્ત કરવામાં આવી હતી. નવનિયુક્ત ત્રણેય હોદ્દેદારોનો બોર્ડ ઓફ ડિરેક્ટર્સ દ્વારા ફૂલહાર, મોમેન્ટો આપી મોં મીઠુ કરાવી શુભેચ્છાઓ પાઠવવામાં આવી હતી તો અન્ય સહકારી મહાનુભાવો તરફથી પણ શુભેચ્છા પાઠવવામાં આવી હતી.
અહેવાલ યશપાલ સ્વામી
