પાટણ તા. 23 વિદ્યાભારતી અખિલ ભારતીય શિક્ષા સંસ્થાન અને સ્કૂલ ગેમ્સ ફેડરેશન ઓફ ઈન્ડિયા (SGFI) ના સંયુક્ત ઉપક્રમે રાષ્ટ્રીય ખેલકૂદ સ્પર્ધા છત્તીસગઢના ચાંપા ખાતે આયોજિત કરવામાં આવી છે જેમાં સિદ્ઘપુરની શ્રી અભિનવ હાઈસ્કૂલ તથા શિશુમંદિરની ટીમ ભાગ લેવા માટે પસંદગી પામી છે. વિદ્યાભારતી, ગુજરાત પ્રદેશ સંલગ્ન વિદ્યાલયોનો રાજ્ય કક્ષાનો ખેલકૂદ કાર્યક્રમ કચ્છના આદિપુર મુકામે યોજાયો હતો જેમાં સિદ્ઘપુરની શ્રી અભિનવ હાઈસ્કૂલ અને શ્રી શિશુ મંદિરની સંયુક્ત ટીમે અંડર – 17 ની વોલીબોલ પ્રતિયોગિતામાં ભાગ લીધો હતો અને ફાઈનલ મેચમાં નવસારીની ટીમને હરાવી રાજ્ય કક્ષાએ ચેમ્પિયન બની હતી. વિજેતા બનેલ આ ટીમ છત્તીસગઢના ચાંપા મુકામે આગામી સપ્તાહમાં યોજાનાર રાષ્ટ્રીય સ્તર ની ખેલકૂદ સ્પર્ધામાં ભાગ લેવા જશે. રાષ્ટ્રીય કક્ષાની સ્પર્ધા મા ભાગ લેવા જઈ રહેલ ટીમને સિદ્ઘપુરના રોયલ કેસ્ટર ફાઉન્ડેશન સહિત દાતાઓએ સ્પોન્સર કરી હોય તમામ દાતાઓનો શ્રી અભિનવ સ્કૂલના આચાર્ય ડૉ. રુપેશભાઈ ભાટિયા, શિશુ મંદિરના આચાર્ય શુભ્રેશભાઈ દવે સહિત શાળાના સ્પોર્ટ્સ ટીચર અને સમગ્ર સ્ટાફ પરિવાર દ્વારા શુભકામનાઓ પાઠવી હતી.
