શ્રી ચામુંડા યુવક મંડળ પરિવાર દ્વારા પાલિકા પ્રમુખ ને સાલ અને મોમેન્ટ આપી સન્માનિત કરાયા..
પાટણ તા. 23 શ્રી ચામુંડા સેવક મંડળ પરિવાર દ્વારા પદ્મનાભ મંદિર પરિસર ખાતે આયોજિત કરાયેલા શ્રી ચામુંડા માતાજી 108 કુંડી મહાયજ્ઞના સમાપન પ્રસંગે પાટણ નગરપાલિકાના પ્રમુખ હિરલબેન અજયભાઈ પરમારે ઉપસ્થિત રહી યજ્ઞના દર્શન પ્રસાદનો લાભ લઇ ધન્યતા અનુભવી હતી.
આ પ્રસંગે શ્રી ચામુંડા સેવક મંડળ પરિવારના ધવલભાઈ તેમજ પાટણ પ્રજાપતિ સમાજના મહિલા અગ્રણી અને પાટણ નગરપાલિકાના મહિલા કોર્પોરેટર પ્રવિણાબેન મુકેશભાઈ દ્વારા પાલિકા પ્રમુખ નું શાલ અને શ્રી ચામુંડા માતાજીની ફોટો પ્રતિમા આપી અભિવાદન કરવામાં આવતાં પાલિકા પ્રમુખે શ્રી ચામુંડા સેવક મંડળ પરિવારનો આભાર વ્યક્ત કર્યો હતો.
અહેવાલ યશપાલ સ્વામી
