પાટણમાં લગ્ન ની લાલચ માં આવી ગભૅવતી બનેલી વાલ્મિકી પરિવારની યુવતી કુવારે માતા બની…

મૂળ અઘાર ગામનો અને છેલ્લા એક વર્ષથી રોટરી નગરમાં છાપરું બાંધી રહેતા ઠાકોર ઇસમે વાલ્મીકિ યુવતીને લગ્નની લાલચ આપી ગર્ભવતી બનાવી ફરાર થયો. .

પાટણ એ ડિવિઝન પોલીસે બળાત્કાર અને એટ્રોસિટી મુજબનો ગુનો નોંધ્યો. .

સિધ્ધપુર ડીવાયએસપી ના માર્ગદર્શન હેઠળ એ ડિવિઝન પોલીસ અને એફ એસ એલ ની ટીમે ઘટના સ્થળની તપાસ કરી જરૂરી સેમ્પલો મેળવ્યા. .

પાટણ તા. 5 પાટણ શહેરના રોટરી નગર વિસ્તારમાં રહેતી વાલ્મિકી સમાજની 25 વર્ષીય અપરણીત યુવતીને મૂળ અઘાર ગામના અને હાલમાં છાપરું બાંધીને રોટરીનગર માં રહેતા ઠાકોર ઈસમ સાથે આખો મળી જતાં અને યુવક દ્રારા યુવતી ને લગ્નની લાલચ આપી તેની સાથે વારંવાર શરીર સુખ માણી યુવતીને ગર્ભવતી બનાવતા યુવતી ને તારીખ 4 ઓક્ટોબર ના રોજ પેટમાં અસહ્ય દુખાવો થતાં તેની માતા યુવતી ને ધારપુર હોસ્પિટલ ખાતે લઈ ગયા હતા. જ્યાં તેની ડોકટરી તપાસ દરમ્યાન યુવતી એ અધૂરા માસે બાળકીને જન્મ આપતા આ બાબતની જાણ હોસ્પિટલ ના સૂત્રો દ્વારા પાટણ એ ડિવિઝન પોલીસને કરતા પોલીસે લગ્નની લાલચ આપી યુવતી ને ગર્ભવતી બનાવી કુવારી માતા બનાવી ફરાર થયેલા ઠાકોર યુવક સામે બળાત્કારની તેમજ એટ્રોસિટી કલમ મુજબનો ગુનો નોંધી વધુ તપાસ સિધ્ધપુર ડીવાયએસપી કે કે પંડ્યાને સોપવામાં આવી છે.

આ બનાવની મળતી હકીકત મુજબ પાટણ શહેરના રોટરી નગર વિસ્તારમાં રહેતા અને મજૂરી કામ કરતા વાલ્મિકી પરિવારની 25 વર્ષીય યુવતી ને રોટરી નગરમાં જ છાપરું બાંધીને રહેતા મૂળ અઘાર ગામના વતની એવા ઠાકોર સમાજના યુવાન સાથે પ્રેમ સંબંધ બંધાતા યુવકે વાલ્મિકી સમાજની યુવતીને લગ્નની લાલચ આપી તેની સાથે અવાર નવાર પોતાના છાપરામાં શરીર સુખ માણી યુવતીને ગર્ભવતી બનાવતાં અને યુવકે હવે આ વાલ્મિકી સમાજની યુવતી સાથે લગ્ન કરવા પડશે તેવા ડરને લઈ પોતાનું રોટરીનગરનું છાપરૂ છેલ્લા એક માસથી છોડીને ફરાર થઈ ગયો હતો.

જયારે ગભૅવતી બનેલી યુવતીને તા. 4 ઓકટોબર ના રોજ પેટમાં અસહ્ય દુખાવો ઉપડતાં તેની માતા તેને ધારપુર હોસ્પિટલ ખાતે લઈ ગઈ હતી જયાં ફરજ પરના મહિલા તબીબી દ્વારા તપાસ કરતાં યુવતીને અધુરા માસે પ્રસવ પીડા નો દુખાવો હોવાનું જણાતા તેને હોસ્પિટલમાં દાખલ કરવામા આવી હતી. અને રાત્રે 12-00 વાગ્યે યુવતીએ અધુરા માસે બાળકી ને જન્મ આપતા બાળકીને સારવાર માટે NICU મા રાખવામાં આવી છે. તો યુવતીને પણ ICU મા સારવાર માટે રાખી ધારપુર ના મહિલા તબીબી દ્રારા યુવતીની સધળી હકીકત જાણીને પાટણ એ ડિવિઝન પોલીસ ને જાણ કરતાં એ ડિવિઝન પોલીસ દ્રારા ધારપુર ખાતે પહોચી સિધ્ધપુર ડીવાયએસપી ની હાજરીમાં યુવતીનું નિવેદન લઈ બાળકી અને માતાના સેમ્પલ મેળવી ડીએનએ રિપોર્ટ માટે મોકલી આપી ઠાકોર યુવક સામે બળાત્કાર અને એટ્રોસિટી કલમ નો ગુનો નોંધી વધુ તપાસ સિદ્ધપુર ડીવાયએસપી કે કે પંડ્યા ચલાવી રહ્યા હોવાની સાથે પોલીસ દ્વારા આરોપી ઠાકોર ઇસમને ઝડપી લેવાના ચક્રો ગતિમાન બનાવ્યા હોવાનું પોલીસ સૂત્રોએ જણાવ્યું હતું. રોટરી નગરમાં બનેલી આ ઘટનાના પગલે વિસ્તારના લોકોમાં ચકચાર મચી જવા પામી છે.

સમગ્ર બનાવવાની તપાસ કરી રહેલા સિદ્ધપુર ડીવાયએસપી કે કે પંડ્યા એ આ બાબતે માહિતી આપતા જણાવ્યું હતું કે છેલ્લા એક વર્ષથી રોટરી નગરમાં રહેતા મૂળ અઘાર ગામના ઠાકોર ઈસમે આજ વિસ્તારમાં રહેતી વાલ્મિકી પરિવારની યુવતી ને લગ્નની લાલચ આપી તેની સાથે શરીર સુખ માણી યુવતી ને ગર્ભવતી બનાવી યુવક ફરાર થયો હોય અને યુવતી દ્વારા અધુરા માસે બાળકીને જન્મ આપ્યો હોય જે બાબતની બળાત્કાર અને એટ્રોસિટી ની ફરિયાદ આધારે આરોપી ઠાકોર ઈસમને ઝડપી લેવા ચક્રો ગતિમાન કર્યા હોવાનું તેઓએ જણાવ્યું હતું. પાટણના રોટરી નગર વિસ્તારમાં બનેલી ઘટના ના પગલે પાટણ એ ડિવિઝન પોલીસ સ્ટાફ અને એફ એસ એલ ની ટીમે રોટરી નગર ખાતેના યુવતીના તેમજ યુવકના રહેઠાણ વિસ્તાર ની તપાસ હાથ ધરી એફએસએલ માટેના જરૂરી સેમ્પલો મેળવવાની તજવીજ હાથ ધરી છે.

અહેવાલ યશપાલ સ્વામી