પાટણમાં જીવદયાના લાભાર્થે ખોડાભા હોલ ખાતે હેરિટેજ ગરબા-2023 નું આયોજન કરાયું..

નવરાત્રી ની આવક માંથી પશુઓની સારવાર માટે એમ્બલ્યુલન્સ લવાશે.

પાટણ તા. 12
પાટણમાં જીવદયા પ્રેમી
ઓ દ્વારા જીવદયાના લાભાર્થે પાટણ- ઉઝા હાઈવે માગૅ પર આવેલા ખોડાભા હોલ ખાતે હેરિટેજ ગરબા -2023 નું ભવ્ય આયોજન કરવામાં આવ્યું છે.હેરિટેજ ગરબા-2023 નો મુખ્ય ઉદેશ નવરાત્રી ની આવક માંથી અબોલ પશુઓની સારવાર માટે આઈસીયુ એમ્બ્યુલન્સ લાવવાનો તેમજ જીવદયાની પ્રવૃત્તિ પાછળ ખચૅ કરવાનો હોવાનું જીવદયા પ્રેમી આયોજકોએ જણાવ્યું હતું.પાટણના ખોડાભા હોલ ખાતે જીવદયા પરિવાર દ્રારા હેરિટેજ ગરબા મહોત્સવ નું આ બીજી વાર આયોજન કરવામાં આવ્યું છે.ખોડાભા હોલ ના 5 લાખથી વધુ સ્કેવર ફુટ વિશાળ ગ્રીનરી વાળા મેદાનમાં ખેલૈયાઓને ગરબા રમાડવાના આયોજન સાથે તેમની સુરક્ષા અને સલામતી માટે વિશેષ વ્યવસ્થા ઉભી કરવામાં આવનાર છે.જેમાં ખાસ કરીને CCtv કેમેરા સાથે , બાઉન્સર લેડીસ અને બોયઝ બન્ને હશે.સાથે ટ્રેડિશનલ અને સિવિલ કપડા વાળા ખેલૈયાઓને અલગ અલગ રમવાની વ્યવસ્થા કરવા માં આવી છે. ખેલૈયાઓને ગરબે રમડાવવા માટે સ્પેશિયલ રાજસ્થાન સાઉન્ડ સાથે ઉત્સવ ઓરકેસ્ટ્રા ના સથ વારે વિવિધ પ્રખ્યાત કલાકારો નવે નવ દિવસ રાસગરબા ની રમઝટ બોલાવશે.ખોડાભા હોલ ખાતે ગરબાની રમઝટ મચાવવા આવનાર ખેલૈયાઓના સાધનો પાર્કિંગ માટેની વિશાળ જગ્યા ની સુવિધા ઉપલબ્ધ બનાવવામાં આવી છે.

નવરાત્રી ક્લબ નું આગામી પ્રથમ નવરાત્રિ દરમ્યાન શહેરની બહેરા મૂંગા શાળાના બાળકો ખાસ ઉપસ્થિત રહી માતાજી ની આરતી ઉતારી નવરાત્રી પવૅ નો પ્રારંભ કરાવશે. નવરાત્રી ના ઉદઘાટન પ્રસંગે પાટણ કલેકટર અરવિંદ વિજયન , એસપી ડો. રવિન્દ્ર પટેલ અને પાટણ ધારાસભ્ય ડો. કિરીટ પટેલ, નગરપાલિકાના કારોબારી ચેરમેન મુકેશભાઈ પટેલ સહિતના શહેરનાં નામાંકીત અગ્રણીઓ ખાસ ઉપસ્થિત રહેશે.ક્લબમાં ખેલૈયાઓની સ્વાસ્થયની સુરક્ષાને ધ્યાને લઇ ક્લબ અંદર જ સ્પેશ્યલ મેડિકલ કેમ્પ સાથે icU વાન ડોકટરો ની ટીમ સાથે ખડેપગે રખાશે. તેવુ આયોજકો એ જણાવ્યું હતું.ખોડાભા હોલ ખાતે જીવદયા પરિવાર દ્વારા આયોજિત હેરિટેજ ગરબા મહોત્સવ 2023 ની માહિતી આપવા જીવદયા પ્રેમી આયોજકો દ્વારા ગુરૂવારે પાટણ ના ઈલેક્ટ્રોનિક તેમજ પ્રિન્ટ મીડિયા ના પત્રકારો ની પ્રેસ કોન્ફરન્સમાં મિડિયા કન્વીનર યશપાલ સ્વામી, ચિરાગભાઈ પટેલ, પાર્થ પટેલ ,ભૌમિક પટેલ , હર્ષ પટેલ, પ્રિન્સ પટેલ, ધવલ રાવલ સહિતનાઆયોજક મિત્રો હાજર રહ્યા હતા.

અહેવાલ યશપાલ સ્વામી