ગુજરાત પ્રદેશ ભાજપના પૂર્વ મહામંત્રી કે.સી.પટેલ, શહેર પ્રમુખ કિશોરભાઈ મહેશ્વરી એ નવરાત્રી પર્વની શુભકામનાઓ પાઠવી.
પાટણ તા.15
આદ્યશક્તિ માં અંબાના આરાધના ના પવિત્ર પર્વ સમા નવલી નોરતાના પ્રારંભ પૂર્વે શનિવારની રાત્રે પાટણ શહેરના ઊંઝા હાઈવે રોડ પર આવેલા ખોડાભા હોલ ખાતે ફૂટ ઓન ફાયર ગ્રુપ દ્વારા આયોજિત પ્રી- નવરાત્રી મહોત્સવ કાર્યક્રમનું આયોજન કરવામાં આવ્યું હતું.
પ્રિ- નવરાત્રી મહોત્સવના શુભારંભ પ્રસંગે ગુજરાત પ્રદેશ ભારતીય જનતા પાર્ટીના પૂર્વ પ્રદેશ મહામંત્રી અને પાટણના પનોતા પુત્ર કે. સી. પટેલ, શહેર ભાજપ પ્રમુખ કિશોરભાઈ મહેશ્વરી સહિત મહાનુભાવો એ ઉપસ્થિત રહી મા જગદંબાની આરતી ઉતારી નવરાત્રી પવૅની શુભકામનાઓ વ્યકત કરી હતી.
પ્રિ- નવરાત્રીમાં ટ્રેડિશનલ ડ્રેસમાં સજી ધજીને ઉપસ્થિત રહેલા ફૂટ ઓન ફાયર ગ્રુપના ખેલૈયાઓએ ભક્તિ સંગીતના તાલ વચ્ચે રાસ ગરબાની રમઝટ મચાવી જગત જનની જગદંબાની આરાધના કરી ધન્યતા અનુભવી નવરાત્રીના પાવન પર્વ ના પ્રારંભને યાદગાર બનાવ્યો હતો.
અહેવાલ યશપાલ સ્વામી
