પાટણ માં નજીવી બાબત માં યુવક ની ઘાતકી હત્યા કરી દેવામાં આવી

પાર્લર પર વસ્તુ લેવા ગયેલ યુવક ને અન્ય યુવક સાથે બોલાચાલી થતા છરા મારી હત્યા કરી નાખી

બે ભાઈ અને પિતા સામે ફરિયાદ નોંધાઇ એક ને ઝડપી લેવામાં આવ્યો

પાટણ તા. ૮
પાટણ ચાણસ્મા હાઇવે સ્થિત નિર્મળ નગર પાસે મંગળવારની રાત્રીએ સામાન્ય બાબત ની બોલા ચાલીએ ઉગ્ર સ્વરૂપ ધારણ કરતા ખૂની ખેલ ખેલાયો હતો . જેમાં ૨૦ વર્ષના યુવાન ને બે ભાઈઓ અને પિતાએ સાથે મળી નિર્મમ હત્યા કરતા સમગ્ર વિસ્તારમાં અરેરાટી ફેલાઈ જવા પામી છે.સમગ્ર હત્યાની જાણવા મળતી માહિતી મુજબ ફરિયાદી મૃતક યુવકના પિતા રાજેન્દ્રભાઈ રામજીભાઈ પરમાર ની ફરિયાદ અનુસાર મંગળવારની રાત્રે તેમનો દીકરો હર્ષ રાજેન્દ્ર પરમાર લીલીવાડી પાસે આવેલ ચામુંડા પાર્લર પર ઉભો હતો કે દરમિયાન બાલાજી વિલા સોસાયટીમાં રહેતા સિધ્ધરાજ અરવિંદ વાવડીયા પણ પાર્લર ઉપર કોઈ વસ્તુ લેવા માટે આવ્યો હતો.

ત્યારે મરણ જનાર હર્ષ સાથે સામાન્ય હાથ ની કોણી અડી જતા બંને વચ્ચે ઉગ્ર બોલા ચાલી થઈ હતી અને આ બોલા ચાલીએ વરવું સ્વરૂપ ધારણ કરતા તેની અદાવત રાખી નિર્મળનગર પાસે ના ચામુંડા પાર્લર પાસે હર્ષ પરમારને સિદ્ધાર્થ અરવિંદભાઈ વાવડીયા તેનો ભાઈ યુવરાજ અરવિંદભાઈ વાવડીયા અને તેના પિતા અરવિંદ વાવડીયા એ ભેગા મળી હર્ષ પરમાર ઉપર જાન લેવા છરા વડે હુમલો કર્યો હતો .દરમિયાન યુવરાજ અરવિંદ વાવડીયા એ હર્ષ પરમારના શરીરના ભાગ ઉપર છાપરી ગળા,છાતીના ભાગે છરાના ઘા જીંકી દેતા તેને ગંભીર ઈજાઓ થઈ હતી ત્યારબાદ તેને સારવાર માટે ધારપુર લઈ જતા ડોકટર એ યુવક ને મૃત જાહેર કર્યો હતો.આ બનાવને પગલે સમગ્ર વિસ્તારમાં ચકચાર મચી જવા પામી હતી. તો મૃતક પરિવારમાં શોકની કાલીમાં છવાઈ ગઈ હતી .

મંગળવારની રાત્રીએ લીલીવાડી પાસે બનેલા ખૂની ખેલમાં સમગ્ર વિસ્તાર માં અજંપા ભરી જેવી પરિસ્થિતિ સરજાવવા પામી હતી .જોકે આ ઘટનામાં આરોપી યુવરાજ અરવિંદ વાવડીયા ની પોલીસે અટકાયત કરી છે . જ્યારે અન્ય બે આરોપી પૈકી સિધ્ધરાજ અરવિંદ વાવડીયા અને પિતા અરવિંદ વાવડિયા ફરાર થઈ જવા પામ્યા છે. ત્યારે પાટણ બી ડિવિઝન પોલીસે હાલમાં હત્યા નો ગુનો નોંધી આરોપીઓને ઝડપી પાડવાના ચક્રો ગતિમાન કયૉ હોવાનું જાણવા મળ્યું છે.

અહેવાલ યશપાલ સ્વામી